‘ଇଣ୍ଡିଆନ ଆଇଡଲ’ ସିଜନ 11ର ନୂଆ ହୋଷ୍ଟ ଆଦିତ୍ୟ

ଜଲଦି ଆରମ୍ଭ ହେବାକୁ ଯାଉଥିବା ସିଙ୍ଗି ରିୟାଲିଟି ଶୋ ‘ଇଣ୍ଡିଆନ ଆଇଡଲ’ର ନୂଆ ହୋଷ୍ଟ ରୂପେ ନଜର ଆସିବେ ଆଦିତ୍ୟ ନାରାୟଣ । ସୋସିଆଲ ମିଡିଆରେ ଫ୍ୟାନ୍ସଙ୍କୁ ଦେଲେ ସୂଚନା ।

ମୁମ୍ବାଇ: ଖୁବଶୀଘ୍ର ଅନଏୟାର ହେବାକୁ ଯାଉଛି ଛଟୋ ପରଦାର ପପୁଲାର ସିଙ୍ଗିଂ ରିୟାଲିଟି ଶୋ ‘ଇଣ୍ଡିଆନ ଆଇଡଲ’ ସିଜନ 11 । ଆଉ ଏଥର ଏହି ଶୋର ହୋଷ୍ଟ ସାଜିବେ ଲୋକପ୍ରିୟ ଗାୟକ ଆଦିତ୍ୟ ନାରାୟଣ । ଯାହାର ସୂଚନା ଫ୍ୟାନ୍ସଙ୍କୁ ସୋସିଆଲ ମିଡିଆରେ ଦେଇଛନ୍ତି ଆଦିତ୍ୟ ।

ସେ ଇନଷ୍ଟାଗ୍ରାମରେ ଏକ ଫଟୋ ସେୟାର କରି ଲେଖିଛନ୍ତି, ‘ଏକ ନୂଆ ଆରମ୍ଭ । ମୁଁ ବହୁତ ଖୁସି ଅଛି ଏଥର ଇଣ୍ଡିଆନ ଆଇଡଲ 11ର ହୋଷ୍ଟ କରିବାକୁ ନେଇ । ମତେ ଶୁଭେଚ୍ଛା ଜଣାନ୍ତୁ ।’

ସେୟାର କରିଥିବା ଫଟୋରେ ଆଦିତ୍ୟ ‘ଇଣ୍ଡିଆନ ଆଇଡଲ’ 11ର ହଜାର ହଜାର ପ୍ରତିଯୋଗୀଙ୍କ ମଧ୍ୟରେ ନଜର ଆସୁଛନ୍ତି ।

ପ୍ରକାଶ ଥାଉକି ‘ଇଣ୍ଡିଆନ ଆଇଡଲ’ ପୂର୍ବ ସିଜନ ଗୁଡିକରେ ଅନେକ ସେଲିବ୍ରିଟି ହୋଷ୍ଟ କରୁଥିବାର ନଜର ଆସିସାରିଛନ୍ତି । ଏହି କ୍ରମରେ ହୁସୈନ କୁୱାଜରେୱାଲା, ମିନି ମାଥୁର, କରନ ୱାହି, ମନ୍ଦିରା ବେଦୀ ଓ ମନୀଷ ପଲ୍ ମଧ୍ୟ ଇଣ୍ଡିଆନ ଆଇଡଲ ଶୋ ସାମିଲ ଅଛନ୍ତି ।