ନୂଆଦିଲ୍ଲୀ: 2020କୁ ସର୍ବଦା ମନେ ରଖିବା ପାଇଁ ନୂଆ ବନ୍ଧନରେ ଆବଦ୍ଧ ହେବାକୁ ଯାଉଛନ୍ତି ସୁନ୍ଦରୀ ଅଭିନେତ୍ରୀ ଗୌହର ଖାନ ଓ କୋରିଓଗ୍ରାଫର ଜୈଦ ଦରବାର । ଏବେ ଦୁଇଜଣଙ୍କ ପରିବାରରେ ଖୁସିର ଲହରୀ ।
ବିଗ୍ ବସ୍ 7 ର ବିଜେତା ଗୌହର ଏବଂ ଜୈଦଙ୍କ ପ୍ରି ଓ୍ବେଡିଙ୍ଗର ପଟୋ ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି ।
ବର୍ତ୍ତମାନ ଭଉୟଙ୍କ କନ୍ୟା ଏବଂ ବରଙ୍କ ଫାଷ୍ଟ ଫଟୋ ସାମ୍ନାକୁ ଆସିଛି । ଫଟୋରେ ଦୁହେଁ ବହୁତ ସୁନ୍ଦର ଦେଖାଯାଉଛନ୍ତି ।
ଗୌହର ଏବଂ ଜୈଦ 25 ଡିସେମ୍ବର ଆଜି (ଶୁକ୍ରବାର) ବନ୍ଧନରେ ବାନ୍ଧି ହେବାକୁ ଯାଉଛନ୍ତି । ଉଭୟଙ୍କ ନୂଆ ଯାତ୍ରା ଆରମ୍ଭ ହେବାକୁ ଯାଉଛି ।
ଦୁହେଁ ନିଜ ବିବାହ ପାଇଁ ଚମତ୍କାର ଗୋଲଡେନ ଏବଂ କ୍ରିମ ରଙ୍ଗର ପୋଷାକ ପିନ୍ଧିଥିଲେ ।
ଗୌହର ମୁଣ୍ଡରେ ଏକ ଦୁପଟା ସହିତ କ୍ରିମ ରଙ୍ଗର ଶାଢୀ ବ୍ରାଇଡାଲ୍ ଲୁକ୍ ରେ ବହୁତ ସୁନ୍ଦର ଦେଖାଯାଉଥିଲେ ।
ପ୍ରକାଶ ଥାଉ ଯେ, ଗୌହର ଏବଂ ଜୈଦ ଦୀର୍ଘ ଦିନ ଧରି ପରସ୍ପରକୁ ଡେଟ କରୁଥିଲେ । ଜୈଦ ଗୌହରଙ୍କ ଠାରୁ 12 ବର୍ଷ ସାନ ।
