ଦୁଷ୍କର୍ମ ମାମଲା ମଧ୍ୟରେ ଭାଇରାଲ ହେଲା ପର୍ଲଙ୍କ ଥ୍ରୋବ୍ୟାକ ଭିଡିଓ

ମହିଳାଙ୍କୁ ସମ୍ମାନ କରୁଥିବାର ଏକ ଭିଡିଓରେ ନଜର ଆସିଲେ ପର୍ଲ । ଯାହାଙ୍କ ଉପରେ ଲାଗିଛି ଦୁଷ୍କର୍ମ ଅଭିଯୋଗ । ଅଧିକ ପଢନ୍ତୁ...

ମୁମ୍ବାଇ: ନିକଟରେ ‘ନାଗିନ’ ଫେମ ପର୍ଲ ଭି ପୁରୀଙ୍କୁ ଦୁଷ୍କର୍ମ ମାମଲାରେ ମୁମ୍ବାଇ ପୋଲିସ ଗିରଫ କରିଥିଲା। ଆଉ ନିକଟରେ ତାଙ୍କୁ ଜାମିନ ମଧ୍ୟ ମିଳିସାରିଛି । ସେପଟେ କିଛି ସେଲିବ୍ରିଟି ଅଭିନେତାଙ୍କୁ ସପୋର୍ଟରେ ନଜର ଆସୁଛନ୍ତି । ଇତିମଧ୍ୟରେ ସୋସିଆଲ ମିଡିଆରେ ଭାଇରାଲ ହେଲା ତାଙ୍କର ଏକ ଥ୍ରୋବ୍ୟାକ ଭିଡିଓ । ଯେଉଁଥିରେ ସେ ମହିଳାଙ୍କ ପ୍ରତି ସମ୍ମାନ ଦେଉଥିବାର ନଜର ଆସୁଛନ୍ତି ।

ଆଉ କହୁଛନ୍ତି, ‘ସମସ୍ତ ମହିଳାଙ୍କୁ ନମସ୍କାର, ତୁମେ ଏହାର ଯୋଗ୍ୟ । ଯିଏ ମହିଳାଙ୍କୁ ସମ୍ମାନ କରନ୍ତି ନାହିଁ, ସେ ଆଦୌ ସମ୍ମାନର ଯୋଗ୍ୟ ନୁହଁନ୍ତି।’ ସେହିପରି ଭିଡିଓ ପୋଷ୍ଟ କରିଥିବା ଫ୍ୟାନ୍ସ କ୍ୟାପସନରେ ଲେଖିଛନ୍ତି, ସେ ସର୍ବଦା ନୈତିକତା, ସମ୍ମାନ ଏବଂ ଅଖଣ୍ଡ ବ୍ୟକ୍ତି ଥିଲେ। କେବଳ କିଛି ମିଥ୍ୟା ଅଭିଯୋଗ ପାଇଁ ଲୋକେ ତାଙ୍କର ସମାଲୋଚନା କରୁଛନ୍ତି । ଆଉ ସତ କଥା ଜଣିବାକୁ କେହି ମଧ୍ୟ ଚେଷ୍ଟା କରୁନାହାଁନ୍ତି । ଯିଏ କେବେ କାହାରି ବିଷୟରେ ଖରାପ ଚିନ୍ତା କରିନାହାଁନ୍ତି ସେ କିପରି ଖରାପ କରିଥିବେ । ଲୋକେ ତାଙ୍କୁ ସମର୍ଥନ କରୁଛନ୍ତି କାରଣ ସେମାନେ ଜାଣିଛନ୍ତି ସେ ଭଲ ମଣିଷ । ଏବେ ପ୍ରକୃତ ସମୟ ଆସିଛି ଯେବେ ଆମେ ପ୍ରେମ ଓ ସ୍ନେହ ସହ ତାଙ୍କୁ ସପୋର୍ଟ କରିବାର । ଚାଲନ୍ତୁ ଏହି ପିଟିସନ ସାଇନ କରିବା । ଆଉ ତାଙ୍କ ପାଇଁ ଟ୍ବିଟରେ ସମର୍ଥନ ପୋଷ୍ଟ କରିବା । ତୁମମାନଙ୍କ ସମର୍ଥନ ଏହି ଜଟିଳ ସମୟରେ ଆବଶ୍ୟକ ଅଛି ।’

ପ୍ରକାଶ ଥାଉକି ତାଙ୍କର ଏହି ଭିଡିଓ ଏକ ଫ୍ୟାନ୍ସକ୍ଲବ ଇନଷ୍ଟାଗ୍ରାମ ପେଜରେ ସେୟାର କରାଯାଇଛି । ଫ୍ୟାନ୍ସଙ୍କ ବ୍ୟତୀତ ଅନେକ ସେଲିବ୍ରିଟି ମଧ୍ୟ ପର୍ଲଙ୍କ ସମର୍ଥନ କରୁଛନ୍ତି ।