ମୁମ୍ବାଇ: ଛୋଟ ପରଦାର ରିୟାଲିଟି ଶୋ ବିଗ ବସରେ 10 ବର୍ଷର ଯାତ୍ରା ପୂରଣ କରିଛନ୍ତି ସୁପରଷ୍ଟାର ସଲମାନ ଖାନ । ଏହି ଅବସରରେ ବିସ ବସ ସଲମାନଙ୍କ ଏକ ଖାସ୍ ଉପହାର ଦେଇଛନ୍ତି । ଯାହାକୁ ନେଇ ଭାବୁକ ନଜର ଆସୁଛନ୍ତି ସଲମାନ । 10 ବର୍ଷ ଯାତ୍ରା ପୂରଣ ହେବା ଅବସରରେ ବିଗ ବସ ପକ୍ଷରୁ ଏକ ଭିଡିଓ ଜାରି କରାଯାଇଛି । ଯେଉଁଥିରେ ସଲମାନ କାନ୍ଦୁଥିବାର ମଧ୍ୟ ଦେଖାଯାଉଛନ୍ତି ।
ଜାରି ହୋଇଥିବା ଭିଡିଓରେ ବିଗ ବସ ସଲମାନଙ୍କୁ ଏହା କହୁଥିବାର ନଜର ଆସୁଛନ୍ତି ଯେ ବିଗ ବସ ଓ ସଲମାନଙ୍କ ନାମ ପରସ୍ପର ସହ ଜଡିତ । ସଲମାନ ଅନେକ ଥର କହିଆସୁଛନ୍ତି ଯେ ଶୋକୁ ଛାଡିବା ପାଇଁ । ହେଲେ ସମସ୍ତଙ୍କୁ ଏହା ଜଣା ଅଛି ସଲମାନ ବିଗ ବସ ଶୋକୁ କେତେ ଭଲ ପାଆନ୍ତି । ଏହି ଭିଡିଓ ଦେଖି ସଲମାନ ଭାବୁକ ହେବା ସହ ବିଗ ବସଙ୍କୁ ଧନ୍ୟବାଦ ମଧ୍ୟ ଜଣାଇଛନ୍ତି ।
ତାଙ୍କ 10 ବର୍ଷ ପୂରଣ ହେବା ଅବସରରେ ବିଗ ବସ ସିଜନ 13 ପ୍ରତିଯୋଗୀ ମଧ୍ୟ ତାଙ୍କ ପାଇଁ ଖାସ୍ ପରଫର୍ମନ୍ସ ଦେଇଥିଲେ । ସବୁ ପ୍ରତିଯୋଗୀ ସଲମାନଙ୍କ ଗୀତରେ ଜବରଦସ୍ତ ଡାନ୍ସ କରିଥିଲେ । ଯାହାକୁ ଦେଖି ସଲମାନ କହିଥିଲେ ଯେ 10 ବର୍ଷ ମଧ୍ୟରେ ଏହା ସବୁଠାରୁ ବେଷ୍ଟ ଆକ୍ଟ ତାଙ୍କ ପାଇଁ ।