ମୁମ୍ବାଇ: 2018ରେ ରିଲିଜ ହୋଇଥିବା ଚର୍ଚ୍ଚିତ ତାମିଲ ଫିଲ୍ମ ‘କେଜିଏଫ’ର ଦ୍ବିତୀୟ ଭାଗ ଦେଖିବାକୁ ଦୀର୍ଘ ସମୟରୁ ବ୍ୟାକୁଳ ଦର୍ଶକ । ଏହି ଫିଲ୍ମରୁ ରାତାରାତି ସୁପରଷ୍ଟାର ସାଜିଥିବା ତାମିଲ ଫେମସ ଆକ୍ଟର ୟଶଙ୍କ ଆଜି 34ତମ ଜନ୍ମଦିନ । ଏହି ଅବସରରେ ତାଙ୍କ ଫ୍ୟାନ୍ସଙ୍କୁ ମିଳିଛି ଶାନଦାର ଉପହାର । ଯାହାକୁ ନେଇ ଖୁସି ହୋଇଯାଇଛନ୍ତି ଫ୍ୟାନ୍ସ । ତାଙ୍କ ଜନ୍ମଦିନ ଅବସରରେ କେଜିଏଫ ମେକର୍ସ ଦର୍ଶକଙ୍କ ପାଇଁ ‘କେଜିଏଫ ଚାପ୍ଟର 2’ର ଫାଷ୍ଟଲୁକ ପୋଷ୍ଟର ଜାରି କରିଛନ୍ତି ।
ୟଶ@34, ଜନ୍ମଦିନରେ ପ୍ରଶଂସକଙ୍କୁ ସରପ୍ରାଇଜ
2018ର ସବୁଠାରୁ ଚର୍ଚ୍ଚିତ ତାମିଲ ଫିଲ୍ମ ‘କେଜିଏଫ’କୁ ନେଇ ଉତ୍ସାହିତ ଦର୍ଶକ । ଆଜି ଜାରି ହୋଇଯାଇଛି ଫିଲ୍ମର ଫାଷ୍ଟଲୁକ ପୋଷ୍ଟର । ନିଜ ରକିଂ ଅନ୍ଦାଜରେ ନଜର ଆସିଲେ ତାମିଲ ସୁପରଷ୍ଟାର ୟଶ ।
ଫଟୋ ସୌଜନ୍ୟ: ଇନଷ୍ଟାଗ୍ରାମ@ୟଶ
ବହୁପ୍ରତିକ୍ଷିତ ଫିଲ୍ମ ‘କେଜିଏଫ ଚାପ୍ଟର 2’ର ପୋଷ୍ଟ ରେଡ କଲରରେ ନିର୍ମାଣ ହୋଇଛି। ଯେଉଁଥିରେ ୟଶ ପୁଣି ହାତରେ ହାତୁଡି ଧରି ନିଜ ରକିଂ ଅନ୍ଦାଜରେ ଠିଆ ହୋଇଥିବାର ନଜର ଆସୁଛନ୍ତି । ପୋଷ୍ଟରକୁ ଟ୍ବିଟରରେ ସେୟାର କରି ଫିଲ୍ମର ନିର୍ଦ୍ଦେଶକ ପ୍ରଶାନ୍ତ ନୀଲ ଲେଖିଛନ୍ତି, ‘ଆମର ରକିଙ୍କୁ ଜନ୍ମଦିନର ଶୁଭେଚ୍ଛା । #RockyBecomesABrand । ଆପଣ ମାନଙ୍କୁ ଆମ ରକଷ୍ଟାର ୟଶଙ୍କ ସହ ସେଲିବ୍ରେଶନ କରିବାକୁ ଅନେକ ଅନେକ ଧନ୍ୟବାଦ ।’
ହେଲେ ଏହି ପୋଷ୍ଟର ଦର୍ଶକଙ୍କୁ ଯେତେ ଖୁସି ଦେଇଛି ସେତିକି ନିରାଶ ମଧ୍ୟ କରିଛି । କାରଣ ନିକଟରେ ୟଶ ଏକ କର୍ଯ୍ୟକ୍ରମରେ ଘୋଷଣା କରିଥିଲେ ଯେ ‘କେଜିଏଫ ଚାପ୍ଟର 2’ର ଟିଜର ତାଙ୍କ ଜନ୍ମଦିନରେ ରିଲିଜ ହେବ ବୋଲି । ପରେ କିନ୍ତୁ ଫିଲ୍ମ ନିର୍ଦ୍ଦେଶକ ଟ୍ବିଟରରେ ପ୍ରଶଂସକଙ୍କୁ କ୍ଷମା ମାଗି ଜଣାଇଥିଲେ ଯେ ୟଶଙ୍କ ଜନ୍ମଦିନ ସୁଧା ଟିଜରର ସମ୍ପୂର୍ଣ୍ଣ କାମ ଶେଷ ହେଉନଥିବ । ଯାହାପାଇଁ କେବଳ ଫିଲ୍ମର ପୋଷ୍ଟର ରିଲିଜ ହେବ ।