ମୁମ୍ବାଇ: ବଲିଉଡ ସିରିୟଲ କିସର ଇମରାନ ହାସମୀଙ୍କ ପାଖରେ ଏବେ ଅନେକ ପ୍ରୋଜେକ୍ଟ ଅଛି । ସେ ଅନେକ ଫିଲ୍ମରେ ସାଇନ ମଧ୍ୟ କରିସାରିଛନ୍ତି । ବିଗ-ବି ଅମିତାଭ ବଚ୍ଚନଙ୍କ ସହ ମିଷ୍ଟ୍ରି ଥ୍ରିଲର ଫିଲ୍ମ ସାଇନ କରିସାରିବା ପରେ ଏବେ ଇମରାନଙ୍କ ହାତରେ ଆଉ ଏକ ଫିଲ୍ମ ଲାଗିଛି । ଶୁଣିବାକୁ ମିଳୁଛି ଯେ ଇମରାନ ମଲୟାଲମ ସୁପରନେଚୁରାଲ ଥ୍ରିଲର ଫିଲ୍ମ 'ଏଜ୍ରା'ର ହିନ୍ଦୀ ରିମେକ ଫିଲ୍ମରେ ନଜର ଆସିବେ ।
ଏହି ଫିଲ୍ମର ନିର୍ଦ୍ଦେଶନା ଦାୟତ୍ବ ତୁଲାଇବେ କୃଷ୍ଣନ । ଅନ୍ୟପଟେ ଫିଲ୍ମର ନିର୍ମାଣ ଭୂଷଣ କୁମାର, କୁମାର ମଙ୍ଗତ ପାଠକ, କୃଷ୍ଣା ଓ ଅଭିଷେକ ପାଠକ ଦ୍ବାରା କରାଯିବ । ଫିଲ୍ମର ସୁଟିଂ ମୁମ୍ବାଇ ଏବଂ ମରିସିଅସରେ କରାଯିବ ।