ବିଗ ବସ ପ୍ରତିଯୋଗୀଙ୍କ ମଧ୍ୟରେ ଫାଇଟ, ଭିଡିଓ ଭାଇରାଲ

ପୁଣି ଚର୍ଚ୍ଚାରେ ବିଗ ବସ ପ୍ରତିଯୋଗୀଙ୍କ ଝଗଡା । ଅସୀମ ଓ ପାରସଙ୍କ ମଧ୍ୟରେ ଫାଇଟ ଦେଖି ଆଶ୍ଚର୍ଯ୍ୟ ବିଗ ବସ।

ମୁମ୍ବାଇ: ସଲମାନ ଖାନଙ୍କ ବିବାଦୀୟ ଶୋ ବିଗ ବସ 13ରେ ଦର୍ଶକଙ୍କୁ ସବୁବେଳେ ଟ୍ବିଷ୍ଟ ଦେଖିବାକୁ ମିଳୁଛି । ବର୍ତ୍ତମାନ ବିଗ ବସ 13ର ଖୁବ୍ ଚର୍ଚ୍ଚା ଚାଲିଛି । ଶୋ ଆରମ୍ଭ ଦିନଠୁ ହିଁ ବିବାଦ ଘେରରେ ଆସିଯାଇଛି । ପ୍ରାୟତଃ ଶୋରେ ପ୍ରତିଯୋଗୀଙ୍କ ମଧ୍ୟରେ ଝଗଡା ଦର୍ଶକଙ୍କୁ ମନୋରଞ୍ଜନର ଖୋରାକ ଯୋଗାଉଛି । ବିଗ ବସ ଚତୁର୍ଥ ସପ୍ତାହରେ ପ୍ରବେଶ କରିସାରିଛି । ଆଉ ଯେମିତି ଯେମିତି ଖେଳ ବଢିଚାଲିଛି , ସେମିତି ପ୍ରତିଯୋଗୀ ଶୋରେ ତିଷ୍ଠି ରହିବା ପାଇଁ ଚେଷ୍ଟା ଚଳାଇଛନ୍ତି।

ଏଥର ଦୀପାବଳି ଅବସରରେ ଯେତିକି ଚହଳ ବାହାରେ ହେବାର ଆଶା ଅଛି, ତାହା ଠାରୁ ଅଧିକା ଚହଳ ବିଗ ବସ ଘରେ ଦେଖିବାକୁ ମିଳୁଛି । ପ୍ରକାଶ ଥାଉକି ବିଗ ବସ ଘରେ ସାପ-ଶିଢି ଟାସ୍କ ଚାଲିଥିଲା। ଏହି ଟାକ୍ସ ପ୍ରତିଯୋଗୀଙ୍କୁ ଦୁଇଟି ଭାଗରେ ବାଣ୍ଟି ଦେଇଥିଲା । ବିଗ ବସ ଘରେ ଅଭିନେତା ସିଦ୍ଧାର୍ଥ ଶୁକ୍ଲା ଓ ଅସୀମ ଆଶ୍ଚର୍ଯ୍ୟ ନଜର ଆସୁଛନ୍ତି ଯେତେବେଳେ ତାଙ୍କୁ ଚା' କରିବା ପାଇଁ ଚା' ପତି ମିଳୁନାହିଁ।

ଚା' ପତି ନପାଇବାରୁ ଖୁବ୍ ରାଗିଯାଇଥିଲେ ସିଦ୍ଧାର୍ଥ । ଏହାପରେ ତାଙ୍କ ଟିମ ଅନ୍ୟ ପ୍ରତିଯୋଗୀଙ୍କ ଉପରେ ଚୋରିର ଅଭିଯୋଗ ମଧ୍ୟ ଆଣିଥିଲେ । ଅନ୍ୟପଟେ ପାରସ ସଙ୍ଗେ ସଙ୍ଗେ ସବୁ ଅଭିଯୋଗ ଦେବୋଲିନାଙ୍କ ଉପରେ ଲଗାଇଦେଇଛନ୍ତି । ଆଉ ଇତିମଧ୍ୟରେ ଅସୀମ ଓ ପାରସଙ୍କ ମଧ୍ୟରେ ଖୁବ୍ ଝଗଡା ହୋଇଥିଲା । ଖାଲି ଏତିକି ନୁହେଁ ଦୁଇଜଣ ପରସ୍ପର ଉପରୁ ହାତ ଉଠାଇବାକୁ ମଧ୍ୟ ପଛ ଘୁଞ୍ଚା ଦେଇନଥିଲେ ।

ପ୍ରତିଯୋଗୀଙ୍କ ଏପରି ବ୍ୟବହାର ଦେଖି ଅସନ୍ତୋଷ ନଜର ଆସୁଛନ୍ତି ବିଗ ବସ । ଏହାପରେ ତିନିଜଣଙ୍କୁ କନଫେଶନ ରୁମକୁ ଡାକି ବୁଝାଇବାକୁ ଚେଷ୍ଟା କରିଥିଲେ ବିଗ ବସ ।