ନୂଆଦିଲ୍ଲୀ:ବୁଦାପେଷ୍ଟରେ ପରିବାର ସହ ସମୟ ବିତାଉଛନ୍ତି ବଲିଉଡ କ୍ବିନ କଙ୍ଗନା । ଆଗାମୀ ଫିଲ୍ମ 'ଧାକଡ' ସୁଟିଂ କରିବା ସହିତ ଭଉଣୀ ରଙ୍ଗୋଲି ଚଣ୍ଡେଲ ଓ ପୁତୁରା ପ୍ରିଥୱି ସହିତ ସମୟ କାଟୁଥିବାର କିଛି ଫଟୋକୁ ସେ ନିଜର ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି ।
ବୁଦାପେଷ୍ଟର ଏକ କାଫେରେ ସେ ପରିବାର ସହିତ ବେଶ ଖୁସି ଥିବା ନଜର ଆସିଛନ୍ତି । ସେଠାରେ ସେ ଡେଜର୍ଟ ଖାଉଥିବାର ଦେଖିବାକୁ ମିଳିଛି । କଙ୍ଗନାଙ୍କ ଏହି କ୍ବାଲିଟି ଟାଇମର ଲୁକ ବେଶ ପସନ୍ଦ କରିଛନ୍ତି ପ୍ରଶଂସକ । ତେବେ ଧାକଡ ଫିଲ୍ମକୁ ରାଜନିଶ ରାଜି ଘାଇ ନିର୍ଦ୍ଦେଶନା ଦେଇଛନ୍ତି । ଏହି ଫିଲ୍ମରେ କଙ୍ଗନା ଜଣେ ଏଜେଣ୍ଟ ଭୂମିକାରେ ନଜର ଆସିବେ । ସେ ଏହି ଫିଲ୍ମର ସୁଟିଂ ବୁଦାପେଷ୍ଟରେ ଶେଷ କରିବାକୁ ଥିବା ବେଳେ ମଧ୍ୟପ୍ରଦେଶରେ ପ୍ରଥମେ ସୁଟିଂ ଆରମ୍ଭ କରିଥିଲେ ।