କେନ୍ଦ୍ରାପଡା: ଓଲିଉଡର ଲୋକପ୍ରିୟ ଅଭିନେତା ବିଜୟ ମହାନ୍ତି ବର୍ତ୍ତମାନ ହାଇଦ୍ରାବାଦର ଲକଡିକାପୁଲ ସ୍ଥିତ ଗ୍ଲୋବାଲ ହସ୍ପିଟାଲରେ ଚିକିତ୍ସିତ ହେଉଛନ୍ତି । ବୁଧବାର ଛାତିରେ ଯନ୍ତ୍ରଣା ହେତୁ ତାଙ୍କୁ ଆଇସିୟୁରେ ଭର୍ତ୍ତି କରାଯାଇଥିଲା। ହୃଦଘାତରେ ପୀଡିତ ଥିବାରୁ ଏବେ ସେ ଭେଣ୍ଟିଲେଟରରେ ଅଛନ୍ତି । ଯାହାକୁ ନେଇ ଦୁଃଖି ତାଙ୍କ ପ୍ରଶଂସକ। ବର୍ତ୍ତମାନ ତାଙ୍କ ଆରୋଗ୍ୟ ପ୍ରାର୍ଥନା କରିବାରେ ଲାଗିଛନ୍ତି ସମସ୍ତେ । ଏମିତି ଦେଖିବାକୁ ମିଳିଛି ତାଙ୍କ ଜନ୍ମସ୍ଥାନ କେନ୍ଦ୍ରାପଡାରେ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦ୍ରାପଡା
ତାଙ୍କ ଆଶୁ ଆରୋଗ୍ୟ କାମନା କରି ଜନ୍ମସ୍ଥାନ କେନ୍ଦ୍ରାପଡ଼ା ପାଣ୍ଡିରି ଗ୍ରାମରେ ସମୂହ ଦୀପ ଦାନ ଓ ପୂଜାର୍ଚ୍ଚନା କରାଯାଇଛି l
ଗାଁରେ ରହୁଥିବା ବିଜୟଙ୍କ ପରିବାର ସଦସ୍ୟ ମାନେ କୂଳଦେବତା ଲକ୍ଷ୍ମୀ-ନାରାୟଣଙ୍କ ମନ୍ଦିରରେ ପୂଜାର୍ଚ୍ଚନା କରିବା ସହିତ ଦୀପ ଦାନ କରି ତାଙ୍କ ଆରୋଗ୍ୟ କାମନା କରିଛନ୍ତି l