ହାଇଦ୍ରାବାଦ: ଆଜି ହେଉଛି ବନ୍ଧୁମାନଙ୍କ ପାଇଁ ଦିନଟିଏ ଅର୍ଥାତ ବନ୍ଧୁତ୍ବ ଦିବସ । ଏହି ଦିବସ ଅବସରରେ ବନ୍ଧୁତ୍ବକୁ ନେଇ ଏକ ଥିମ ସଙ୍ଗ 'ଦୋସ୍ତି' ରିଲିଜ କରିଛି RRR ମେକର୍ସ । ଏହି ଗୀତଟି ୫ଟି ଭାଷାରେ ରିଲିଜ ହୋଇଛି । ଏହାକୁ ଟି-ସିରିଜ ଓ ଲାହାରି ମ୍ୟୁଜିକରେ ରିଲିଜ କରାଯାଇଛି ।
ତେଲୁଗୁ ଭାଷାରେ ରିଲିଜ ହେବାକୁ ଯାଉଥିବା ଫିଲ୍ମ RRRର ରହିଛି ଏହି ଗୀତ । ଏହାକୁ ଗାଇଛନ୍ତି ଅମିତ ତ୍ରିବେଦୀ, ଅନିରୁଦ୍ଦ ରବିଚନ୍ଦର, ବିଜୟ ୟେସୁଦାସ, ହେମା ଚନ୍ଦ୍ର ଓ ୟାଜିନ ନାଜିର । ଏହି ଫିଲ୍ମଟି ଭାରତରେ ନିର୍ମିତ ସବୁଠାରୁ ମହଙ୍ଗା ଫିଲ୍ମ ବୋଲି କୁହାଯାଉଥିବା ବେଳେ ଏହାକୁ ଏସ୍ ରାଜାମୌଲି ନିର୍ଦ୍ଦେଶନା ଦେଇଛନ୍ତି । ଏଥିରେ ଅଭିନେତା ରାମ ଚରଣ ଓ ଜୁନିଅର NTR ଫ୍ରିଡମ ଫାଇଟର ଭାବେ ଅଭିନୟ କରିଛନ୍ତି । ଯିଏକି ବ୍ରିଟିଶ ଓ ହାଇଦ୍ରାବାଦର ନିଜାମ ପାଇଁ ଲଢୁଛନ୍ତି ।