ମୁମ୍ବାଇ: କାର୍ଗିଲ ବିଜୟ ଦିବସ ଅବସରେ ଅଭିନେତା ଭିକ୍କୀ କୌଶଲଙ୍କ ବ୍ଲକବଷ୍ଟର ଫିଲ୍ମ 'ଉରି ଦ ସର୍ଜିକାଲ ଷ୍ଟ୍ରାଇକ'କୁ ଦ୍ବିତୀୟ ଥରେ ମହାରାଷ୍ଟ୍ରରେ ରିଲିଜ କରାଯାଇଛି । ଫିଲ୍ମଟି ପୂର୍ବରୁ ବିଶ୍ବସ୍ତରରେ 345 କୋଟି ଆୟ କରି ଏକ ନୂଆ ରେକର୍ଡ ସୃଷ୍ଟି କରିଥିଲା । ଆଜି ମହାରାଷ୍ଟ୍ରର 500ଟି ସିନେମା ଘରେ ମାଗଣାରେ ଫିଲ୍ମ ଦେଖିବେ ଦର୍ଶକ । ଏହି ଅବସରରେ ଲିଡ ଅଭିନେତା ଭିକ୍କୀ ସୋସିଆଲ ମିଡିଆରେ ଏକ ଭାବବିହ୍ବଳ ନୋଟ ସେୟାର କରିଛନ୍ତି ।
ଫିଲ୍ମର ଗୋଟିଏ ଷ୍ଟିଲ ଫଟୋ ସେୟାର କରି ଇନଷ୍ଟାଗ୍ରାମରେ ଭିକ୍କୀ ଲେଖିଛନ୍ତି, "ମୁଁ ଏହି ଅବସରରେ ବହୁତ ଖୁସି ହେବା ସହ ସମ୍ମାନିତ ଅନୁଭବ କରୁଛି । ମହାରାଷ୍ଟ ସରକାରଙ୍କ ସାହାଯ୍ୟ ଦ୍ବାରା ଫିଲ୍ମ ଉରି ପୁଣି ମହାରାଷ୍ଟ୍ରରେ ରିଲିଜ ହୋଇପାରିଛି । ଯାହା ପାଇଁ ସରକାରଙ୍କୁ ଅନେକ ଅନେକ ଧନ୍ୟବାଦ । ଜୟ ହିନ୍ଦ ।"