ହାଇଦ୍ରାବାଦ: ସିଦ୍ଧାର୍ଥ ମଲହୋତ୍ରାଙ୍କ ଫିଲ୍ମ ‘ଶେରଶାହ’ର ଟ୍ରେଲର 25 ଜୁଲାଇ ରବିବାର ଦିନ ରିଲିଜ ହୋଇଛି । ଏହି ଫିଲ୍ମଟି 1999 ରେ କାର୍ଗିଲ ଯୁଦ୍ଧରେ ଶହୀଦ ହୋଇଥିବା କ୍ୟାପଟେନ ବିକ୍ରମ ବତ୍ରାଙ୍କ ଜୀବନୀ ଉପରେ ଆଧାରିତ । ସିଦ୍ଧାର୍ଥ ଏହି ଚଳଚ୍ଚିତ୍ରରେ ବିକ୍ରମ ବତ୍ରା ଭୂମିକାରେ ନଜର ଆସିଛନ୍ତି । 15 ଅଗଷ୍ଟ 1999 ରେ ଭାରତ ସରକାରଙ୍କ ଦ୍ବାରା କ୍ୟାପ୍ଟେନ ବିକ୍ରମ ବତ୍ରାଙ୍କୁ ମରଣୋତ୍ତର ପରମବୀର ଚକ୍ର ପ୍ରଦାନ କରାଯାଇଥିଲା ।
ଚଳଚିତ୍ର ନିର୍ମାତା କାର୍ଗିଲ ବିଜୟ ଦିବସ ଅବସରରେ ଫିଲ୍ମ ‘ଶେରଶାହ’ ର ଟ୍ରେଲର ରିଲିଜ କରିଛନ୍ତି । ଟ୍ରେଲରରେ କ୍ୟାପଟେନ ବିକ୍ରମ ବତ୍ରାଙ୍କ ଜୀବନ ଏବଂ ସାହସିକତା ଦେଖିବାକୁ ପାଇବେ ଦର୍ଶକ । ଟ୍ରେଲରରେ ଶହୀଦ ବିକ୍ରମ ବତ୍ରା କିପରି ପାକିସ୍ତାନୀ ସେନାକୁ ଧ୍ବଂସ କରିଥିଲେ ତାହା ଦେଖିବାକୁ ମିଳିଛି।