ଆସନ୍ତା 26ରେ ବିବାହ ବନ୍ଧନରେ ଆବଦ୍ଧ ହେବେ ନୀତିନ

ସାମ୍ନାକୁ ଆସିଲା ନୀତିନଙ୍କ ବିବାହ ତାରିଖ । ଏପ୍ରିଲରେ ବିବାହ କରିଥାଆନ୍ତେ ସେ । ହେଲେ ଲକଡାଉନ ପାଇଁ ଏମାସ 26 ତାରିଖରେ ବିବାହ କରିବାକୁ ଯାଉଛନ୍ତି।

ହାଇଦ୍ରାବାଦ: ଦୀର୍ଘ ସମୟରୁ ଟଲିଉଡର ଫେମସ ଆକ୍ଟର ନୀତିନ ନିଜ ଗାର୍ଲଫ୍ରେଣ୍ଡ ଶାଲିନୀଙ୍କ ସହ ବିବାହ କରିବାକୁ ନେଇ ଚର୍ଚ୍ଚାରେ। ଏହି ଯୋଡି ଗତ ଏପ୍ରିଲରେ ବିବାହ କରିଥାଆନ୍ତେ। ହେଲେ କୋରୋନା ସଙ୍କଟ ପାଇଁ ଦୁଇଜଣଙ୍କ ବିବାହ ବନ୍ଧନରେ ଆବଦ୍ଧ ହୋଇପାରିନଥିଲେ । ଇତିମଧ୍ୟରେ ନୀତିନଙ୍କ ବିବାହ ତାରିଖ ସାମ୍ନାକୁ ଆସିଯାଇଛି । ଯାହାକୁ ନେଇ ଖୁସି ଫ୍ୟାନ୍ସ। କାରଣ ଏମାସ 26 ତାରିଖରେ ବିବାହ କରିବାକୁ ଯାଉଛନ୍ତି ସେ।

ସେହିପରି ଫେବୃଆରୀରେ ନୀତିନ-ଶାଲିନୀ ନିର୍ବନ୍ଧ କରିଥିଲେ । ଯାହାର ଅନେକ ଫଟୋ ସୋସିଆଲ ମିଡିଆରେ ଖୁବ୍ ଦେଖିବାକୁ ମିଳୁଛି । ଭାଇରାଲ ହୋଇଥିବା ଫଟୋରେ ନୀତିନ, ଶାଲିନୀଙ୍କୁ ମୁଦି ପିନ୍ଧାଉଥିବାର ନଜର ଆସୁଛନ୍ତି ।

ପ୍ରକାଶ ଥାଉକି ଗତ ଦୁଇ ବର୍ଷରୁ ଏହି ଯୋଡି ପରସ୍ପରକୁ ଡେଟ କରିଆସୁଛନ୍ତି । ଏପ୍ରିଲରେ ବିବାହ କରିବା ପାଇଁ ସମ୍ପର୍କୀୟଙ୍କୁ ନିମନ୍ତ୍ରଣ କାର୍ଡ ମଧ୍ୟ ପଠାଇ ଦେଇଥିଲେ ଉଭୟ ପରିବାର। ହେଲେ କୋରୋନା ପାଇଁ ବିବାହ କରିପାରିନଥିଲେ ।