ହାଇଦ୍ରାବାଦ: ତାମିଲ ଫିଲ୍ମ ଇଣ୍ଡଷ୍ଟ୍ରୀର ସୁପରଷ୍ଟାର ବିଜୟ ଶନିବାର ନିଜର 45ତମ ଜନ୍ମଦିନ ପାଳନ କରିଛନ୍ତି । ବିଜୟଙ୍କ ପୁରା ନାମ ବିଜୟ ଜୋସେଫ ଚନ୍ଦ୍ରଶେଖର । ବିଜୟ ତାଙ୍କ ଫିଲ୍ମ 'ମେର୍ସଲ' ପାଇଁ ବେଶ ଚର୍ଚ୍ଚାକୁ ଆସିଥିଲେ । ଏହି ସିନମାରେ ଜିଏସଟି ଉପରେ ଆଧାରିତ ଡାଏଲଗକୁ ନେଇ ବିବାଦ ସୃଷ୍ଟି ହୋଇଥିଲା ।
ଖାଲି ଏତିକି ନୁହେଁ ବିଜୟ ଅଭିନେତା ହେବା ସହ ତାମିଲ ଇଣ୍ଡଷ୍ଟ୍ରୀର ଜଣାଶୁଣା ପ୍ଲେବ୍ୟାକ ସିଙ୍ଗର । ବିଜୟ ତାମିଲ ସିନେମାର ହାଇ ପେଡ ଆକ୍ଟରଙ୍କ ମଧ୍ୟରେ ଅନ୍ୟତମ । ଫ୍ୟାନ୍ସ ତାଙ୍କୁ ସ୍ନେହରେ ଥାଲପଥି (Thalapathy) ମଧ୍ୟ ଡାକନ୍ତି ।
ଜଣାଇ ଦେଉଛୁ ଯେ ବିଜୟଙ୍କ ପ୍ରଥମ ଫିଲ୍ମ ତାଙ୍କ ପିତା ଏସଏ ଚନ୍ଦ୍ରଶେଖର ନିର୍ଦ୍ଦେଶନା ଦେଇଥିଲେ । ଯାହାର ଟାଇଟଲ ଥିଲା 'ନାଲୈୟା ଥେରପୁ' । ବିଜୟ ସୁପରଷ୍ଟାର ହେବା ସତ୍ତ୍ବେ ସେ ତେଲୁଗୁ ସୁପରଷ୍ଟାର ରଜନୀକାନ୍ତଙ୍କ ବଡ ଫ୍ୟାନ । ତାଙ୍କର ସବୁ ଫିଲ୍ମକୁ ଦେଖିବାକୁ ସେ ଖୁବ୍ ପସନ୍ଦ କରନ୍ତି ।
ଗତ ବର୍ଷ ଆସିଥିବା ତାଙ୍କ ଫିଲ୍ମ 'ସରକାର' ସୋସିଆଲ ମିଡିଆରେ ଚହଳ ସୃଷ୍ଟି କରିଥିଲା । ଏହି ଫିଲ୍ମର ନିର୍ଦ୍ଦେଶନା କରିଥିଲେ ଏ.ଆର ମୁରଗାଦୌସ । ଫିଲ୍ମର ଟାଇଟଲ ପ୍ରଥମେ 'ଥଲପଥି 62' ରଖାଯାଇଥିଲା । କାରଣ 'ସରକାର' ବିଜୟଙ୍କ 62ତମ ଫିଲ୍ମ ଥିଲା । ପରେ କିଛି ସମସ୍ୟା ପାଇଁ ଫିଲ୍ମର ଟାଇଟଲ ପରିବର୍ତ୍ତନ କରିଦେଇଥିଲେ ମେକର୍ସ ।
