ଭୁବନେଶ୍ବର:‘ମା ରାଣ’, ‘ନାଇ ନାଇ ନାଇ ମ’, ‘ଫୁଲ ବୋବାଲ’, ‘ଗଙ୍ଗା କୂଳକୁ ଆସିଛି ଯେତେବେଳେ ହାତ ନଧୋଇ ଚାଲି ଯିବି’, ଚକମା ଚୁର । ଏହି ସବୁ ଡାଇଲଗ ଦର୍ଶକଙ୍କୁ ଯୋଗାଇଥିଲା ମନୋରଞ୍ଜନର ଖୁରାକ । ଫିଲ୍ମ ପୁରୁଣା ହୋଇଛି ସହ ହେଲେ ଆଜିବି ଲୋକଙ୍କ ମନରେ ସତେଜ ହୋଇ ରହିଛି ଓଲିଉଡର ଚର୍ଚ୍ଚିତ ଖଳନାୟକ ହର ପଟ୍ଟନାୟକଙ୍କ ସମସ୍ତ ଡାଇଲଗ । ସାରା ଓଡିଶା ଥିଲା ତାଙ୍କ ଡାଇଲଗର ଫ୍ୟାନ।
ସେ ଏଇ ଦୁନିଆରେ ଆଉ ନାହାନ୍ତି ସତ ହେଲେ ଏହି ଦମଦାର ଡାଇଲଗକୁ ଲୋକେ ଭୁଲିନାହାନ୍ତି । ଖଳନାୟକ ଭାବେ ଓଡିଆ ଚଳଚିତ୍ରରେ ବେଶ୍ ସୁନାମ ଅର୍ଜନ କରିଥିଲେ ହର ଭାଇ । ଖାଲି ଖଳନାୟକ ନୁହଁନ୍ତି ଏକା ସାଙ୍ଗରେ ସେ ଥିଲେ ଜଣେ ନିର୍ଦ୍ଦେଶକ ପ୍ରଯୋଜକ ଓ ଚିତ୍ରନାଟ୍ୟ ଲେଖକ ମଧ୍ୟ ।
ସେ ଜଣେ ଭଲ ଅଭିନେତା ହୋଇଥିବା ବେଳେ ଅନେକଙ୍କୁ ମଧ୍ୟ ଅଭିନେତାର ପରିଚୟ ଦେଇଛନ୍ତି । ସେ ଅନୁଭବ ମହାନ୍ତି ହୁଅନ୍ତୁ କି ସବ୍ୟସାଚୀ ମିଶ୍ର ବା ବାବୁସାନ, ଓଲିଉଡର ଏହି ୩ଜଣ ଆଗଧାଡିର ହିରୋଙ୍କୁ ରୂପେଲି ପରଦାକୁ ଆଣିଥିଲେ ହର । ସେ ପାଖପାଖି ୭୦ରୁ ଅଧିକ ଚଳଚ୍ଚିତ୍ରରେ ଅଭିନୟ କରିବା ସହ ୨୦ରୁ ଅଧିକ ଚଳଚ୍ଚିତ୍ରରେ ନିର୍ଦ୍ଦେଶନା ଦେଇଥିଲେ ।