ଚେନ୍ନାଇ: ଶନିବାର ସକାଳୁ ତାମିଲ ଇଣ୍ଡଷ୍ଟ୍ରିରେ ଶୋକର ଛାୟା । କାରଣ ଦୁନିଆ ଛାଡି ଚାଲିଯାଇଛନ୍ତି ସମସ୍ତଙ୍କ ଫେଭରେଟ ଆକ୍ଟର ବିବେକ । ଶୁକ୍ରବାର ସେ ଛାତିରେ ଯନ୍ତ୍ରଣା ଅନୁଭବ କରିବା ପରେ ତାଙ୍କୁ ଚେନ୍ନାଇର SIIMS ଡାକ୍ତରଖାନାରେ ଭର୍ତ୍ତି କରାଯାଇଥିଲା। ତେବେ ଶନିବାର ସକାଳେ ଡାକ୍ତରଖାନାର ବିବୃତ୍ତିରୁ ଜଣାପଡିଛି ଯେ ଅଭିନେତା ଦେହାନ୍ତ ହୋଇଛି । ସେପଟେ ତାଙ୍କ ଦେହାନ୍ତରେ ଚକିତ ହୋଇପଡିଛନ୍ତି କଲିଉଡ ଇଣ୍ଡଷ୍ଟ୍ରିର ସେଲିବ୍ରିଟି । ଆଉ ସୋସିଆଲ ମିଡିଆରେ ସମସ୍ତେ ତାଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି ।
ଏହି କ୍ରମରେ ସାମିଲ ଅଛନ୍ତି ଫେମସ ଗାୟକ, ସଙ୍ଗୀତକାର ଏ.ଆର ରେହମାନ । ସେ ଟ୍ବିଟ କରି ଲେଖିଛନ୍ତି, ‘ବିବେକ ବିଶ୍ବାସ ହେଉନାହିଁ ତୁମେ ଆମମାନଙ୍କୁ ଛାଡି ଚାଲିଯାଇଛ । ଭଗବାନ ତୁମ ଆତ୍ମାକୁ ଶାନ୍ତି ପ୍ରଦାନ କରନ୍ତୁ । ତୁମେ ଅନେକ ବର୍ଷ ପର୍ଯ୍ୟନ୍ତ ଆମକୁ ମନୋରଞ୍ଜନ କରିଛ । ତୁମର ଉତ୍ତରାଧିକାରୀ ଆମ ସହିତ ରହିବେ ।’