ହାଇଦ୍ରାବାଦ: କୋରୋନା ସଙ୍କଟରୁ ନିଜକୁ ସୁରକ୍ଷିତ ରଖିପାରିଲେନି ସାଉଥ ସୁପରଷ୍ଟାର ରାମ ଚରଣ । ତାଙ୍କ କୋରୋନା ଟେଷ୍ଟ ପଜିଟିଭି ଆସିଛି । ଯାହାର ସୂଚନା ସେ ଫ୍ୟାନ୍ସଙ୍କୁ ସୋସିଆଲ ମିଡିଆରେ ଦେଇଛନ୍ତି । କୋରୋନା ସଂକ୍ରମିତ ହେବା ପରେ ଅଭିନେତା ନିଜକୁ କ୍ବାରେଣ୍ଟାଇନ କରିଛନ୍ତି । ଏହାସହ ସେ ସେହିମାନଙ୍କୁ ନିଜ କୋରୋନା ଟେଷ୍ଟ କରିବାକୁ ଅନୁରୋଧ କରିଛନ୍ତି ଯେଉଁମାନେ କିଛି ଦିନ ମଧ୍ୟରେ ତାଙ୍କ ସମ୍ପର୍କରେ ଆସିଥିଲେ ।
ସେହିପରି ଟ୍ବିଟ କରି ସେ ଲେଖିଛନ୍ତି, ‘ମୋ କୋଭିଡ-19 ଟେଷ୍ଟ ରିପୋର୍ଟ ପଜିଟିଭି ବାହାରିଛି । କୌଣସି ଲକ୍ଷଣ ମୋ ମଧ୍ୟରେ ନାହିଁ ହେଲେ ମୁଁ ବର୍ତ୍ତମାନ ନିଜକୁ କ୍ବାରେଣ୍ଟାଇନ କରିନେଇଛି । ଆଶା କରୁଛି ଶୀଘ୍ର ଠିକ୍ ହୋଇଯିବି । ଆଉ ଅଧିକ ଶକ୍ତିଶାଳୀ ହୋଇ ଫେରିବି । ସମସ୍ତଙ୍କୁ ନିବେଦ କରୁଛି ଯେ ଗତ କିଛି ଦିନ ମଧ୍ୟରେ ଯିଏ ବି ମୋ ସମ୍ପର୍କରେ ଆସିଛି ଦୟା କରି ନିଜ କୋରୋନା ଟେଷ୍ଟ କରିନିଅନ୍ତୁ । ହେଲ୍ଥ ଅପଡେଟ ଶୀଘ୍ର ଦେବି ।’