ମୁମ୍ବାଇ: ସାଉଥର ସ୍ବର୍ଗତ ଅଭିନେତା ଚିରଞ୍ଜୀବି ସରଜାଙ୍କ ପତ୍ନୀ ତଥା ଅଭିନେତ୍ରୀ ମେଘନା ରାଜ୍ ପ୍ରଥମଥର ମା' ସାଜିଛନ୍ତି । ଗୁରୁବାର ସେ ଏକ ପୁତ୍ର ସନ୍ତାନକୁ ଜନ୍ମ ଦେଇଛନ୍ତି ବୋଲି ପରିବାର ପକ୍ଷରୁ ସୂଚନା ଦିଆଯାଇଛି । ଏଥିସହ ସରଜା ପରିବାରର ନୂତନ ଅତିଥିଙ୍କ ଫଟୋ ସୋସିଆଲ ମିଡିଆରେ ଫ୍ୟାନ୍ସଙ୍କ ପାଇଁ ସେୟାର ମଧ୍ୟ କରିଛନ୍ତି ।
ମା' ହେଲେ ସ୍ବର୍ଗତ ଅଭିନେତା ଚିରଞ୍ଜୀବିଙ୍କ ପତ୍ନୀ - ପୁଅକୁ ଜନ୍ମ ଦେଇଛନ୍ତି ମେଘନା ରାଜ୍
ପୁଅକୁ ଜନ୍ମ ଦେଇଛନ୍ତି ମେଘନା ରାଜ୍ । ନିକଟରେ ସ୍ବାମୀଙ୍କୁ ହରାଇଥିଲେ ସେ । ହୃଦଘାତରେ ଚିରଞ୍ଜୀବିଙ୍କ ଦେହାନ୍ତ ହୋଇଥିଲା ।
ଫଟୋ ସୌଜନ୍ୟ: ଇନଷ୍ଟାଗ୍ରାମ@ଫ୍ୟାନକ୍ଲବ
ଚିରଞ୍ଜୀବିଙ୍କ ଭାଇ ଧ୍ରୁବ ସୋସିଆଲ ମିଡିଆରେ ପୁତୁରାର ଫଟୋ ସେୟାର କରି ଲେଖିଛନ୍ତି, ‘ମେଘନାଙ୍କୁ ବେବି ବୟର ଆଶୀର୍ବାଦ ମିଳିଛି । ଆପଣଙ୍କ ପ୍ରାର୍ଥନା ଏବଂ ସମର୍ଥନ ପାଇଁ ଧନ୍ୟବାଦ ।’
ପ୍ରକାଶ ଥାଉକି ଜୁନ୍ 7 ତାରିଖ କନ୍ନଡ ଅଭିନେତା ଚିରଞ୍ଜୀବି ଦୁନିଆକୁ ଅଲବିଦା କହିଥିଲେ । ହୃଦଘାତରେ ତାଙ୍କର ମୃତ୍ୟୁ ହୋଇଥିବା ଖବର ପରିବାର ପକ୍ଷରୁ କୁହାଯାଇଥିଲା ।