ସାକ୍ରେଡ ଗେମ୍ସ 2: ଏବେ ଆରମ୍ଭ ହେବ ଯୁଦ୍ଧ

ରିଲିଜ ହେଲା 'ସାକ୍ରେଡ ଗେମ୍ସ' ସିଜନ 2ର ଜବରଦସ୍ତ ଟ୍ରେଲର । ପୁଣି ଦେଖିବାକୁ ମିଳୁଛି ଗାଇତୋଣ୍ଡେଙ୍କର କାହାଣୀ ।

ମୁମ୍ବାଇ: ନେଟଫ୍ଲିକ୍ସରେ ଭାରତର ସର୍ବପ୍ରଥମ ଓରିଜିନାଲ କ୍ରାଇମ ଭାରତୀୟ ୱେବ ସିରିଜି 'ସାକ୍ରେଡ ଗେମ୍ସ'ର ଦ୍ବିତୀୟ ଭାଗକୁ ଦୀର୍ଘ ସମୟରୁ ଅପେକ୍ଷା କରିବସିଛନ୍ତି ଦର୍ଶକ । ଏବେ ତାଙ୍କ ଅପେକ୍ଷାର ଅନ୍ତ ଘଟିଛି । କାରଣ ରିଲିଜ ହୋଇଯାଇଛି ଏହି ସିରିଜର ଲୋମହର୍ଷଣକାରୀ ଟ୍ରେଲର । ପ୍ରଥମ ସିରିଜର ଅନେକ ପ୍ରଶ୍ନ ଏବେ ଦ୍ବିତୀୟ ସିଜିନରେ ଦର୍ଶକଙ୍କୁ ମିଳିବ ।

ଆଜି ଏହାର ଟ୍ରେଲର ରିଲିଜ କରିଛନ୍ତି ମେକର୍ସ । ଟ୍ରେଲରରେ କ୍ରାଇମ, ସେକ୍ସ, ଥ୍ରିଲର ସବୁକିଛିର ଓଭରଡୋଜ ଦେଖିବାକୁ ମିଳୁଛି । 'ସାକ୍ରେଡ ଗେମ୍ସ'ରେ ମୁଖ୍ୟ ଭୂମିକାରେ ନଜର ଆସିଛନ୍ତି ସୈଫ ଅଲ୍ଲୀ ଖାନ, ନବାଜୁଦ୍ଦୀନ ସିଦ୍ଦିକୀ, ପଙ୍କଜ ତ୍ରିପାଠୀ । ଯିଏ ପୂର୍ବ ସିଜିନରେ ଦମଦାର ଅଭିନୟ କରି ଦର୍ଶକଙ୍କୁ ନିଜ ଆଡକୁ ଆକର୍ଷିତ କରିଥିଲେ ।

ପ୍ରଥମ ସିଜନ ପରି ଦ୍ବିତୀୟରେ ମଧ୍ୟ ଗାଇତୋଣ୍ଡେର ଜବରଦସ୍ତ କାହାଣୀ ପର୍ଯ୍ୟବେଷିତ ହୋଇଛି । ଏହି ସିରିଜର ନିର୍ଦ୍ଦେଶନା ଦାୟିତ୍ବ ସମ୍ଭାଳିଛନ୍ତି ଫେମସ ନିର୍ମାତା ଅନୁରାଗ କଶ୍ୟପ ଓ ବିକ୍ରମାଦିତ୍ୟ ମୋଟୱାନୀ ।