'ଦିଲ ବୋଲେ ରେ' ଏକାଠି ପତି-ପତ୍ନୀ

ପୁଣି ଏକାଠି ନଜର ଆସିଛନ୍ତି ଓଲିଉଡ ପତି-ପତ୍ନୀ ଜିନା ଓ ରୁଦ୍ର । ନୂଆ ଆଲବମ 'ଦିଲ ବୋଲେ ରେ' ଦେଖିବାକୁ ମିଳିଛି ଦୁଇଜଣଙ୍କ ଲଭ କେମେଷ୍ଟ୍ରି ।

ଭୁବନେଶ୍ବର: ଓଡ଼ିଆ ଚଳଚ୍ଚିତ୍ର ସହ ଆଲବମର ଚାହିଦା ବେଶ ଦେଖିବାକୁ ମିଳିଥାଏ ଦର୍ଶକଙ୍କ ମଧ୍ୟରେ । ଦର୍ଶକଙ୍କ ପସନ୍ଦକୁ ଦୃଷ୍ଟିରେ ରଖି ଆର ଆର ପ୍ରଡକ୍ସନ ବ୍ୟାନରରେ ରିଲିଜ ହୋଇଯାଇଛି ରୋମାଣ୍ଟିକ ଆଲବମ ଗୀତ 'ଦିଲ ବୋଲେ ରେ' ।

ଆଲବମରେ ଓଲିଉଡର ରିଅଲ ଲାଇଫ ଯୋଡି ଜିନା ଓ ରୁଦ୍ରଙ୍କ ପୁଣି କେମେଷ୍ଟ୍ରି ଦେଖିବାକୁ ମିଳିଛି । ଆଲବମର ପ୍ରଯୋଜକ ରମେଶ ବାରିକ କରିଥିବା ବେଳେ ନିର୍ଦ୍ଦେଶନା ଅମର ପତି ଦେଇଛନ୍ତି।

ସେହିପରି ଦିଲ ବୋଲେ ରେ ଗୀତର ଲିରିକ୍ସ ଲେଖିଛନ୍ତି ନିର୍ମଳ ନାୟକ, ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ବୈଦନାଥ ଦାସ ।

'ଦିଲ ବୋଲେ ରେ' ଡାନ୍ସ କୋରିଓଗ୍ରାଫ କରିଛନ୍ତି ସ୍ବାଧୀର ଓ କୁରେଶ । ବହୁ ଶୀଘ୍ର ଏହି ଯୋଡି ବଡ଼ପରଦାରେ ଏକାଠି ନଜର ଆସିବେ ବୋଲି ଶୁଣିବାକୁ ମିଳୁଛି ।

ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ