ହାଇଦ୍ରାବାଦ:ଗୋଟିଏ ପରେ ଗୋଟିଏ ସଫଳତାର ପାହାଚ ଚଢିବାରେ ଲାଗିଛନ୍ତି ସାଉଥ ଆକ୍ଟର ରଶ୍ମିକା ମାନ୍ଦନା । ସୋସିଆଲ ମିଡ଼ିଆରେ ଅଧିକ ଫ୍ୟାନ ଫଲୋୟିଂ ଥିବାରୁ 'ଫୋର୍ବସ୍ ଇଣ୍ଡିଆ' ମୋଷ୍ଟ ଇନଫ୍ଲୁଏନ୍ସାଲ ଆକ୍ଟର ବା ଅଧିକାଂଶ ପ୍ରଭାବିତ ଅଭିନେତ୍ରୀ ତାଲିକାରେ ଶୀର୍ଷରେ ରହିଛନ୍ତି ଏହି ଡିମ୍ପଲ ଗର୍ଲ । ସେ ଅନ୍ୟତମ ଲୋକପ୍ରିୟ ଆକ୍ଟର ବିଜୟ ଦେବରକୋଣ୍ଡା ଓ ଓ ସାମନ୍ଥାଙ୍କୁ ପଛରେ ପକାଇଛନ୍ତି ।
ଏହି ସାଉଥ ଆକ୍ଟର ବର୍ତ୍ତମାନ ବିଭିନ୍ନ ଭାଷାଭାଷୀ ଫିଲ୍ମରେ ଅଭିନୟ କରିବା ଆରମ୍ଭ କରିଛନ୍ତି । ସେ ତେଲୁଗୁ, କନ୍ନଡ ଭାଷା ସହିତ ହିନ୍ଦୀ ଭାଷାରେ ମଧ୍ୟ ଫିଲ୍ମ ସୁଟିଂ ଶେଷ କରିଛନ୍ତି । ରଶ୍ମିକାଙ୍କୁ ଅନେକ ଦର୍ଶକ ପସନ୍ଦ କରୁଥିବା ବେଳେ ତାଙ୍କର ସୋସିଆଲ ମିଡ଼ିଆରେ ଫ୍ୟାନ୍ସ ଫଲୋୟିଂ ମଧ୍ୟ ଅଧିକ ରହିଛି । ଏହାକୁ ଆଧାର କରି ସେ ବର୍ତ୍ତମାନ ଫୋର୍ବସ ଇଣ୍ଡିଆର 'Most influential actor' ଭାବେ ଶୀର୍ଷ ସ୍ଥାନରେ ରହିଛନ୍ତି । ସେପଟେ ହ୍ୟାଣ୍ଡସମ ହଙ୍କ୍ ବିଜୟ ଦ୍ବିତୀୟ ସ୍ଥାନରେ ରହିଥିବା ବେଳେ କନ୍ନଡ ଷ୍ଟାର ୟସ୍ ତୃତୀୟ ଓ ସାମନ୍ଥା ରୁଥ ପ୍ରଭୁ ୪ର୍ଥ ସ୍ଥାନରେ ରହିଛନ୍ତି ।