Radhe Shyam: ରିଲିଜ ହେଲା ରାଧେ ଶ୍ୟାମ, ପ୍ରଶଂସା ସାଉଁଟୁଛନ୍ତି ପ୍ରଭାସ-ପୂଜା

ପ୍ରଭାସଙ୍କ ଫିଲ୍ମ ରାଧେ ଶ୍ୟାମ ଶୁକ୍ରବାର ରିଲିଜ ହୋଇଛି । ଚଳଚ୍ଚିତ୍ରଟି ସକାରାତ୍ମକ ପ୍ରତିକ୍ରିୟା ପାଇବାରେ ଲାଗିଛି । ଅଧିକ ପଢନ୍ତୁ

ହାଇଦ୍ରାବାଦ: ପ୍ରଭାସଙ୍କ ଫିଲ୍ମ 'ରାଧେ ଶ୍ୟାମ' ଶୁକ୍ରବାର (ମାର୍ଚ୍ଚ 11) ପ୍ରେକ୍ଷାଳୟରେ ରିଲିଜ ହୋଇଛି । ଏହି ଫିଲ୍ମଟି ଦୀର୍ଘ ଦିନ ଧରି ଚର୍ଚ୍ଚାରେ ରହିଆସିଥିଲା ଏବଂ ପ୍ରଶଂସକମାନେ ମଧ୍ୟ ଉତ୍ସାହର ସହିତ ଫିଲ୍ମକୁ ଅପେକ୍ଷା କରିଥିଲେ । ପ୍ରଭାସଙ୍କୁ ଆକ୍ସନ୍ ଫିଲ୍ମରେ ପ୍ରାୟତଃ ଦେଖିବାକୁ ମିଳିଥାଏ, ବର୍ତ୍ତମାନ ରୋମାଣ୍ଟିକ୍ ଡ୍ରାମା ଫିଲ୍ମରେ ପ୍ରଭାସଙ୍କୁ ଦେଖି ଦର୍ଶକ ବେଶ୍‌ ଖୁସି ଅଛନ୍ତି।

ଉଲ୍ଲେଖନୀୟ ଯେ, କେ.କେ ରାଧାକୃଷ୍ଣ କୁମାରଙ୍କ ଏହି ଚଳଚ୍ଚିତ୍ର ପ୍ରାୟ 350 କୋଟି ବଜେଟରେ ପ୍ରସ୍ତୁତ ହୋଇଛି, ଏହି ଚଳଚ୍ଚିତ୍ରରେ ଆଜି ପର୍ଯ୍ୟନ୍ତ ସବୁଠାରୁ ଉନ୍ନତ VFX ଦେଖିବାକୁ ମିଳିଛି । ରାଧେ ଶ୍ୟାମରେ ଦକ୍ଷିଣର ସୁପରଷ୍ଟାର ପ୍ରଭାସ ଜଣେ ଜ୍ୟୋତିଷଙ୍କ ଭୂମିକାରେ ନଜର ଆସିଛନ୍ତି, ଯାହାର ନାମ ଆଦିତ୍ୟ । କୋଭିଡଙ୍କ ଯୋଗୁଁ ଏହି ଚଳଚ୍ଚିତ୍ର କ୍ରମାଗତ ଭାବରେ ସ୍ଥଗିତ ରଖାଯାଇଥିଲା କିନ୍ତୁ ଶେଷରେ ଏହା ମାର୍ଚ୍ଚ 11ରେ ମୁକ୍ତିଲାଭ କରିଛି ​​। ଚଳଚ୍ଚିତ୍ରଟି ସକାରାତ୍ମକ ପ୍ରତିକ୍ରିୟା ପାଇବାରେ ଲାଗିଛି । ପ୍ରଶଂସକମାନେ ସୋସିଆଲ ମିଡିଆରେ ସେମାନଙ୍କର ସମୀକ୍ଷା ସେୟାର କରିବା ଆରମ୍ଭ କରିଦେଇଛନ୍ତି ।

କାହାଣୀ

ବିକ୍ରମାଦିତ୍ୟ (ପ୍ରଭାସ) ଜଣେ ପ୍ରସିଦ୍ଧ ଜ୍ୟୋତିଷ । ହାତର ରେଖା ଦେଖି ବ୍ୟକ୍ତିଙ୍କର ଅତୀତ ଏବଂ ଭବିଷ୍ୟତ ବିଷୟରେ କହିଥାନ୍ତି । ନ ଚାହିଁ ବି ଡକ୍ଟର ପ୍ରେରଣା (ପୂଜା ହେଗଡେ)ଙ୍କ ସହ ପ୍ରେମ ହୋଇଯାଏ l ତାଙ୍କ ଭବିଷ୍ୟବାଣୀ ହିସାବରେ ପ୍ରେରଣାଙ୍କ ଜୀବନରେ ବହୁତ ଭଲ ହେବାକୁ ଯାଉଛି । କିନ୍ତୁ ଭାଗ୍ୟକୁ ଆଉ କିଛି ଇଚ୍ଛା ଅଛି । କଣ ଯାହା ଭବିଷ୍ୟରେ ଲେଖାହୋଇଛି ତାହା ଘଟିବ ନା ଲେଖା ଥିବାକୁ ପରିବର୍ତ୍ତନ କରାଯିବ...ଚଳଚ୍ଚିତ୍ରର କାହାଣୀ ହେଉଛି ଏମିତି କିଛି ।

ନିକଟରେ ରାଧେ ଶ୍ୟାମର ଏକ ନୂଆ ଗୀତ 'Main Ishq Mein Hoon' ରିଲିଜ୍ ହୋଇଥିଲା । ଗୀତଟି ରିଲିଜ୍ ହେବାର ଅଧ ଘଣ୍ଟା ମଧ୍ୟରେ 1 ଲକ୍ଷ 97 ହଜାର ଭ୍ୟୁ ଏବଂ 45 ହଜାରରୁ ଅଧିକ ଲାଇକ୍ ପାଇଥିଲା । ରାଧେ ଶ୍ୟାମର ଗୀତ 'Main Ishq Mein Hoon' ଚଳଚ୍ଚିତ୍ରର ବାକି ଗୀତଠାରୁ ଟିକିଏ ଭିନ୍ନ, କାରଣ ପ୍ରଥମ ଥର ପାଇଁ ଏହି ଗୀତ ମାଧ୍ୟମରେ ଦୁଇ କଳାକାରଙ୍କ ମଧ୍ୟରେ ଦୂରତା ଦେଖାଯାଇଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ