ୱାଶିଂଟନ: ପପୁଲାର ହଲିଉଡ ପପ ସିଙ୍ଗର ନିକି ମିନାଜଙ୍କ ଫ୍ୟାନ୍ସଙ୍କ ପାଇଁ ଗୁଡନ୍ୟୁଜ। ସେ ସୋସିଆଲ ମିଡିଆରେ ନିଜ ଫଟୋ ସେୟାର କରି ଫ୍ୟାନ୍ସଙ୍କୁ ଗର୍ଭବତୀ ହେବା ସୂଚନା ଦେଇଛନ୍ତି । ସେ ନିଜର ବେବି ବମ୍ପ ସହ ଫଟୋ ସେୟାର କରି ବର୍ତ୍ତମାନ ଚର୍ଚ୍ଚାରେ। ଆଉ ପ୍ରଥମ ବେବିକୁ ଜନ୍ମ ଦେବାକୁ ଯାଉଥିବାରୁ ସେ ବହୁତ ଉତ୍ସାହିତ ମଧ୍ୟ। ଯାହାର ଖୁସି ତାଙ୍କ ସୋସିଆଲ ମିଡିଆ ପୋଷ୍ଟରେ ଦେଖିବାକୁ ମିଳୁଛି।
ଇନଷ୍ଟାଗ୍ରାମରେ ନିଜର ଅନେକ ଷ୍ଟାଇଲିସ ଫଟୋ ସେୟାର କରିଛନ୍ତି ସେ । ଆଉ ଏହାର କ୍ୟାପସନରେ ଲେଖିଛନ୍ତି, ‘ପ୍ରେମ, ବିବାହ, ପିଲା, ଉତ୍ସାହିତ ଓ ଖୁସିରେ ଭରପୁର। ଆପଣଙ୍କ ଶୁଭକାମନା ପାଇଁ ଧନ୍ୟବାଦ।’ ସେପଟେ ଫ୍ୟାନ୍ସ ମଧ୍ୟ ତାଙ୍କୁ ଶୁଭେଚ୍ଛା ଦେବା ଆରମ୍ଭ କରିଦେଇଛନ୍ତି ।