ବେଙ୍ଗାଲୁରୁ: ରକିଙ୍ଗ୍ ଷ୍ଟାର୍ ୟଶଙ୍କ ବର୍ଥ ଡେ'ରେ KGF 2 ଟିମ ଦ୍ବାରା ରିଲିଜ ହୋଇଛି ନୂତନ ପୋଷ୍ଟର । ଏହି ବହୁ ପ୍ରତିକ୍ଷିତ ଚଳଚ୍ଚିତ୍ରର ମୁକ୍ତିଲାଭକୁ ଫ୍ୟାନ୍ସ ଅପେକ୍ଷା କରିଥିବା ବେଳେ ପୋଷ୍ଟରକୁ ଖୁବ ପସନ୍ଦ କରିଛନ୍ତି । ତେବେ ପୋଷ୍ଟର ରିଲିଜ ପରେ ଫ୍ୟାନ୍ସ ଫିଲ୍ମକୁ ନେଇ ବେଶ ଉତ୍ସାହିତ ରହିଥିବା ଦେଖିବାକୁ ମିଳିଛି ।
ଶନିବାର ୟଶଙ୍କୁ ଜନ୍ମଦିନର ଶୁଭେଚ୍ଛା ଜଣାଇବା ପାଇଁ Hombale Films ଏହି ପୋଷ୍ଟରକୁ ରିଲିଜ କରିଛି । ଗତବର୍ଷ ଏହି ଫିଲ୍ମର ଦ୍ବିତୀୟ ଭାଗର ଟ୍ରେଲର ରିଲିଜ ହୋଇଥିଲା । ଏଥିରେ କୋଟି କୋଟି ଭିଉଜ୍ ଯାଇଥିଲା । ଏହି ପୋଷ୍ଟରରେ "caution danger ahead" ବା ସାବଧାନ ଆଗକୁ ବିପଦ ଆସୁଛି ବୋଲି ଲେଖାଯାଇଛି । ଏଥିରେ ୟଶଙ୍କ ଆଙ୍ଗ୍ରି ରକି ଭାଇ ଲୁକ୍ର ଫଟୋ ରହିଛି ।