ହାଇଦ୍ରାବାଦ: ଓଲିଉଡର ଫେମସ ଗାୟକ ହ୍ୟୁମାନ ସାଗର ସୋସିଆଲ ମିଡିଆରେ ହଟହଟା ହୋଇଛନ୍ତି। ସବୁବେଳେ ନିଜ ଗୀତ ପାଇଁ ଚର୍ଚ୍ଚାରେ ରହୁଥିବା ହ୍ୟୁମାନ ବର୍ତ୍ତମାନ କୋରୋନା ଭାଇରସ ଉପରେ ଗୀତ ଗାଇ ସମସ୍ୟାରେ। ଯେଉଁଠାରେ ପୁରା ବିଶ୍ବ କୋରୋନା ଭାଇରସ ସହ ଲଢୁଛି, ସେହିଠାରେ ଝିଅଙ୍କୁ କୋରୋନା ଭାଇରସ ସହ ତୁଳନା କରି ସମାଲୋଚନା ଶିକାର ହୋଇଛନ୍ତି ହ୍ୟୁମାନ। ଇତିମଧ୍ୟରେ ବର୍ତ୍ତମାନ ସୋସିଆଲ ମିଡିଆରେ ତାଙ୍କ ପ୍ରତିକ୍ରିୟା ଦେଖିବାକୁ ମିଳୁଛି।
ଭିଡିଓ ସୌଜନ୍ୟ: ଫେସବୁକ@ହ୍ୟୁମାନ ସାଗର
ସେ ଫେସବୁକରେ ନିଜର ଏକ ଭିଡିଓ ସେୟାର କରି ଓଡି଼ଶାବାସୀଙ୍କୁ ସମ୍ମାନ ଦେବା ସହ କହିଛନ୍ତି ଯେ କେବେ ମଧ୍ୟ ସେ ନାରୀଙ୍କ ଅପମାନ କରିପାରିବେ ନାହିଁ। କାରଣ ତାଙ୍କ ଘରେ ମଧ୍ୟ ମା' ସ୍ତ୍ରୀ, ଶାଶୁ ଅଛନ୍ତି । ଆଉ ଏହା ତାଙ୍କ ଫ୍ୟାନ୍ସଙ୍କୁ ଭଲ ରୂପେ ଜଣା ଅଛି। ସେ ଯେତେବେଳେ ଏହି ଗୀତ ଗାଇଥିଲେ ସେହି ସମୟରେ କୋରୋନା ଭାଇରସର ପ୍ରଭାବ ଏତେମାତ୍ରାରେ ଦେଖିବାକୁ ମିଳିନଥିଲା ।