ବୌଦ୍ଧ: ଅସୁସ୍ଥ ଶିଶୁର ଚିକିତ୍ସା ପାଇଁ ସହାୟତା ଯୋଗାଇ ପ୍ରଶଂସା ସାଉଁଟିଲେ ଓଲିଉଡର ଲୋକପ୍ରିୟ ଅଭିନେତା ସବ୍ୟସାଚୀ ମିଶ୍ର । ବୌଦ୍ଧ ଜିଲ୍ଲା ଲୁଣିବାହାଲ ପଞ୍ଚାୟତ କଣ୍ଟିଆପଦର ଗ୍ରାମର ସଇତଳା ଉର୍ମା ଗତବର୍ଷ ଏକ ଶିଶୁପୁତ୍ରକୁ ଜନ୍ମ ଦେଇଥିଲେ । ତେବେ ନବଜାତ ଶିଶୁର ଅଣ୍ଟା ପାଖରେ ଧିରେ ଧିରେ ଏକ ମାଂସ ପିଣ୍ଡୁଳା ବଢିବାରୁ ଶିଶୁଟି ଯନ୍ତ୍ରଣାରେ ଛଟପଟ ହେଉଥିଲା । ଏଭଳି ସ୍ଥିତିରେ ଶିଶୁର ଚିକିତ୍ସା ପାଇଁ ଅର୍ଥ ପ୍ରତିବନ୍ଧକ ସାଜିଥିଲା । ହେଲେ ପରିବାରର ଦୁଃଖ ଦୂର କରିଛନ୍ତି ଅଭିନେତା । ଯାହାକୁ ନେଇ ସବୁ ମହଲରେ ତାଙ୍କର ଚର୍ଚ୍ଚା ।
ଶିଶୁର ଚିକିତ୍ସାପାଇଁ ସହାୟତା ଯୋଗାଇ ପ୍ରଶଂସାର ପାତ୍ର ହେଲେ ସବ୍ୟସାଚୀ
ପଞ୍ଚାୟତ ଠାରୁ ଆରମ୍ଭ କରି ଜିଲ୍ଲା ପ୍ରଶାସନ ପର୍ଯ୍ୟନ୍ତ ଶିଶୁର ଚିକିତ୍ସା ପାଇଁ ଗୁହାରି କରାଯାଇଥିଲା । ଏନେଇ ଇଟିଭି ଭାରତରେ ଶିଶୁର ଯନ୍ତ୍ରଣା ସମ୍ପର୍କିତ ଖବର ପ୍ରସାରିତ ହୋଇଥିଲା । ସେପଟେ ସଇତଳାଙ୍କ ଶାଶୁ ଘର ବନ୍ଧାପଥର ଠାରେ ମଧ୍ୟ ଶିଶୁର ଚିକିତ୍ସା ପାଇଁ ଶେଷରେ ସମ୍ପର୍କରେ ତିକ୍ତତା ଆସିଥିଲା ।