ଭୁବନେଶ୍ବର: ଦୀର୍ଘ ସମୟରୁ ଜେଲରେ ଜୀବନ କାଟୁଥିବା ଓଡ଼ିଶାର ଚର୍ଚ୍ଚିତ ସାରଥୀ ବାବ ନିକଟରେ ଜାମିନରେ ବାହାରିଛନ୍ତି । ଭଣ୍ଡ ବାବା ରୂପେ ଓଡ଼ିଶାରେ ଜଣାଶୁଣା ସାରଥୀ ବାବାଙ୍କୁ ନେଇ ଗତ ତିନି ବର୍ଷ ହେବ ଏକ ଚଳଚ୍ଚିତ୍ର ‘ବାଜି ବାଜି ବାବାଜୀ’ ନିର୍ମାଣ ହୋଇଥିଲା । କିନ୍ତୁ ସାରଥୀ ବାବାଙ୍କ ଜେଲ ଯିବା ପରେ ଏହି ଚଳଚ୍ଚିତ୍ରଟି ମୁକ୍ତିଲାଭ କରିପାରିନଥିଲା ।
ମିଥୁନ ପ୍ରଡକ୍ସନ ହାଉସରେ ତିଆରି ହୋଇଥିବା ଏହି ‘ବାଜି ବାଜି ବାବାଜୀ’ ଖୁବଶୀଘ୍ର ମୁକ୍ତିଲାଭ କରିବ ବୋଲି ଶୁଣିବାକୁ ମିଳୁଛି । ସାରଥୀ ବାବାଙ୍କ ଭୂମିକାରେ ଏହି ଚଳଚ୍ଚିତ୍ରରେ ନଜର ଆସିବେ ଅଭିନେତା ମଣ୍ଟୁ ମିଥୁନ । ସେହିପରି ସ୍ବର୍ଗତ ମୀନକେତନ ଚଳଚ୍ଚିତ୍ରରେ ପୋଲିସ ଭୂମିକାରେ ନଜର ଆସିବେ ।
ଫଟୋ ସୌଜନ୍ୟ: ମିଥୁନ ପ୍ରଡକ୍ସନ ହାଉସ