ହାଇଦ୍ରାବାଦ: ପୁଣି ଓଡ଼ିଆ ଝିଅଙ୍କ ଯାଦୁ । ସାଉଥ ଫିଲ୍ମରେ ଆସିବେ ନଜର । ଗଜପତି ଜିଲ୍ଲା ପାରଳାଖେମୁଣ୍ଡି ଝିଅ ଦେବୋସ୍ମିତା ପଟ୍ଟନାୟକ ସୁପରଷ୍ଟାର ରଜନୀକାନ୍ତଙ୍କ ଆକ୍ସନ ଥ୍ରିଲର ଫିଲ୍ମ ‘ଦରବାର’ରେ ଅଭିନୟ କରିବାକୁ ଯାଉଛନ୍ତି । ଝିଅର ସଫଳତାକୁ ନେଇ ଖୁସି ପୁରା ପରିବାର ।
ଏହି ଅବସରରେ ଦେବୋସ୍ମିତା ଇନଷ୍ଟାଗ୍ରାମରେ ଥଲାଇବା ରଜନୀକାନ୍ତଙ୍କ ସହ ଏକ ସୁନ୍ଦର ଫଟୋ ସେୟାର କରିଛନ୍ତି । ଯାହା ବର୍ତ୍ତମାନ ଖୁବ୍ ଭାଇରାଲ ହେବାରେ ଲାଗିଛି ।
ପ୍ରକାଶ ଥାଉକି ତାମିଲ ଫିଲ୍ମ ‘ଦରବାର’ର ନିର୍ଦ୍ଦେଶନା ଦାୟିତ୍ବ ତୁଲାଉଛନ୍ତି ନିର୍ଦ୍ଦେଶକ ଏଆର ମୁରୁଗାଦୋସ । ସେହିପରି ଫିଲ୍ମର ପ୍ରଯୋଜନା କରିବେ ଅଲିରାଜହ ସୁବାସ୍କରନ । ଏହି ଫିଲ୍ମଟି ଲାଇକା ପ୍ରଡକ୍ସନ ବ୍ୟାନରେ ରିଲିଜ କରାଯିବ ।
ରଜନୀକାନ୍ତ ଓ ଦେବୋସ୍ମିତାଙ୍କ ବ୍ୟତୀତ ଫିଲ୍ମରେ ନୟନତାରା ମଧ୍ୟ ମୁଖ୍ୟ ଭୂମିକାରେ ଅଭିନୟ କରୁଥିବାରେ ନଜର ଆସିବେ । ‘ଦରବାର’ର ଅଡିଅ ଲଞ୍ଚିଂ ଇଭେଣ୍ଟ ନଭେମ୍ବର କିମ୍ବା ଡିସେମ୍ବରରେ କରିବାକୁ ଯାଉଛନ୍ତି ମେକର୍ସ । ସେହିପରି ଫିଲ୍ମଟି ଆସନ୍ତା ବର୍ଷ ଜାନୁଆରୀ 15ରେ ରିଲିଜ କରିବାର ଯୋଜନା କରିଛନ୍ତି ନିର୍ମାତା ।