ହାଇଦ୍ରାବାଦ: ଫିଲ୍ମ 'RRR'ର ରିଲିଜ ତାରିଖ ଘୁଞ୍ଚାଯିବା ପରେ ପ୍ରଭାସଙ୍କ ଅଭିନୀତ 'Radhe Shyam' ଫିଲ୍ମର ରିଲିଜ ତାରିଖକୁ ନେଇ ମଧ୍ୟ ହୋଇଛି ଚର୍ଚ୍ଚା । ତେବେ ଏହି ଫିଲ୍ମର ରିଲିଜ ତାରିଖ ପରିବର୍ତ୍ତନ ହେଉନାହିଁ ବୋଲି ଟିମ ପକ୍ଷରୁ ସ୍ପଷ୍ଟ କରାଯାଇଛି । ଏହି ଫିଲ୍ମର ରିଲିଜ ତାରିଖ ଘୁଞ୍ଚାଯିବା ଗୁମର ପରେ ଫ୍ୟାନ୍ସ ଚିନ୍ତାରେ ଥିବା ଦେଖିବାକୁ ମିଳିଥିଲା ।
ଏ ନେଇ UV Creation ପକ୍ଷରୁ ସ୍ପଷ୍ଟ କରାଯାଇଛି । ଏହାର ଅଫିସିଆଲ ବିବୃତ୍ତିରେ କୁହାଯାଇଛି ଯେ, " ରାଧେ ଶ୍ୟାମର ରିଲିଜ ତାରିଖରେ ସେପରି କୌଣସି ପରିବର୍ତ୍ତନ ହୋଇନାହିଁ । ପ୍ରଭାସଙ୍କ ଅଭିନୀତ ଏହି ଫିଲ୍ମ ଆସନ୍ତା ୧୪ ତାରିଖରେ ବଡ଼ ପରଦାରେ ରିଲିଜ ହେବ । ଗୁମର ଉପରେ ବିଶ୍ବାସ କରନ୍ତୁ ନାହିଁ ।" ଏହି ଗୁମର ଉଠିବା ପରେ ମେକର୍ସ ରିଲିଜ ତାରିଖ ସହିତ ଏକ ପୋଷ୍ଟର ରିଲିଜ କରିଛନ୍ତି । ଫ୍ୟାନ୍ସଙ୍କ ମନରେ ବିଶ୍ବାସ ଆଣିବା ପାଇଁ ପୁଣି ନୂଆ ପୋଷ୍ଟରକୁ ରିଲିଜ କରାଯାଇଛି ।