ଭୁବନେଶ୍ବର: ଆସୁଛି ନୂଆ ବର୍ଷ 2020 । ନ୍ୟୁ ଇୟରରେ ନ୍ୟୁ ରିଜଲ୍ୟୁସନ । ଲୋକେ ଅତୀତରେ ଘଟିଯାଇଥିବା ଖରାପ ଘଟଣାକୁ ଭୁଲି କିଛି ଭଲ କରିବାକୁ ସ୍ଥିର କରନ୍ତି ଏହି ନୂଆବର୍ଷରେ । ତେବେ ଏହି ଅବସରରେ ଓଲିଉଡ଼ ଅଭିନେତା ଓ ଅଭିନେତ୍ରୀମାନେ ମଧ୍ୟ ନୂଆ ରିଜଲ୍ୟୁସନ ସହ ନିଜର ନୂତନ ବର୍ଷ ଆରମ୍ଭ କରିବେ । ଏହି ପରିପ୍ରେକ୍ଷୀରେ ଓଲିଉଡ ଷ୍ଟାର ବାବୁସାନ ଏବଂ ବର୍ଷା ପ୍ରିୟଦର୍ଶିନୀ ମଧ୍ୟ ନିଜର ନ୍ୟୁ ରିଜଲ୍ୟୁସନ ସେୟାର କରିଛନ୍ତି ।
ଓଲିଉଡର ଚକଲେଟ ବୟ ବାବୁ ସାନ ପ୍ରତିବର୍ଷ ଭଳି ଏଥର ମଧ୍ୟ ନିଜର ବାପା, ମାଆ ଓ ଧର୍ମ ପତ୍ନୀଙ୍କ ସହ ନିଜର ନୂଆଁ ବର୍ଷକୁ ପାଳିବେ ବୋଲି ପ୍ରକାଶ କରିଛନ୍ତି । ଏହା ଛଡା ବର୍ତ୍ତମାନ ସେ ଫିଲ୍ମରୁ କିଛି ମାସ ପାଇଁ ବ୍ରେକ ନେଇଥିବାର କହିଛନ୍ତି । କିନ୍ତୁ ରଜରେ ଏକ ନୂଆ କନସେପ୍ଟର ଫିଲ୍ମରେ ପରଦାକୁ ଓହ୍ଲାଇବେ ବୋଲି ସେ କହିଛନ୍ତି । ଅନ୍ୟପଟେ ଓଲିଉଡ ବର୍ଷା ପ୍ରିୟଦର୍ଶିନୀ ମଧ୍ୟ ନୂଆ ପ୍ରତିଜ୍ଞା କରି କହିଛନ୍ତି, ସେ କଳା କ୍ଷେତ୍ରରେ ଯାହା ଶିଖିଛନ୍ତି ଆହୁରି ଶିଖିବେ । ନିଜ କର୍ମକୁ ଆହୁରି ଧ୍ୟାନ ଦେବେ। ଏହା ରହିବା ତାଙ୍କର ନ୍ୟୁ ଇୟରରେ ନ୍ୟୁ ରିଜଲ୍ୟୁସନ ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
