ଚେନ୍ନାଇ: ଫେମସ ସାଉଥ ଷ୍ଟାର ମୋହନଲାଲଙ୍କ ଫିଲ୍ମ ‘ଚିତ୍ରମ’ରେ ଅଭିନୟ ପାଇଁ ବିଶେଷ ଭାବେ ଜଣାଶୁଣା ମାଲାୟାଲମ ଅଭିନେତା ଶରଣଙ୍କ ଦେହାନ୍ତ । ଯାହାକୁ ନେଉ ସାଉଥ ଫିଲ୍ମ ଇଣ୍ଡଷ୍ଟ୍ରିରେ ଶୋକର ଛାୟା । ଅସୁସ୍ଥତା କାରଣରୁ ମଙ୍ଗଳବାର ଶେଷ ନିଶ୍ବାସ ତ୍ୟାଗ କରିଥିଲେ ସେ । ମୃତ୍ୟୁବେଳକୁ ତାଙ୍କୁ 49 ବର୍ଷ ବୟସ ହୋଇଥିଲା।
ଗତ କିଛି ଦିନ ହେବ ଶରଣଙ୍କର ଜ୍ବର ଅଧିକ ବଢିଯାଇଥିଲା ଏବଂ ମଙ୍ଗଳବାର ସକାଳେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଡାକ୍ତରଖାନାରେ ତାଙ୍କର ସ୍ବାସ୍ଥ୍ୟଅବସ୍ଥା ବିଗିଡି ଯାଇଥିଲା । ପରେ ତାଙ୍କର ମୃତ୍ୟୁ ହୋଇଥିବା ଜଣାଇଥିଲେ ଡାକ୍ତର।
ସେପଟେ ଶରଣଙ୍କ ଅକାଳ ବିୟୋଗରେ ମାଲାୟାଲମ ଚଳଚ୍ଚିତ୍ର ଇଣ୍ଡଷ୍ଟ୍ରିରେ ସମସ୍ତଙ୍କୁ ବଡ ଝଟକା ଲାଗିଛି। ତାଙ୍କର ସହ-ଷ୍ଟାର ମୋହନଲାଲ ଫେସବୁକରେ ଏକ ଫଟୋ ସେୟାର କରି ଶରଣଙ୍କ ପରିବାରକୁ ସମବେଦନା ଜଣାଇଛନ୍ତି । ଆଉ ଲେଖିଛନ୍ତି, ‘ମୋର ସାନ ଭାଇ, ତୁମେ ଆଉ ଏହି ଦୁନିଆରେ ନାହିଁ ବୋଲି ବିଶ୍ବାସ କରିପାରିବ ନାହିଁ ।’