ହାଇଦ୍ରାବାଦ: ପଦ୍ମଶ୍ରୀ ପୁରସ୍କୃତ କୁଚିପୁଡି ନୃତ୍ୟଶିଳ୍ପୀ ଶୋଭା ନାଇଡୁଙ୍କ ମଙ୍ଗଳବାର ରାତିରେ ଦେହାନ୍ତ ହୋଇଛି ।
ସୂତ୍ରରୁ ପ୍ରକାଶ ଯେ, ନାଇଡୁ ଏକ ଘରୋଇ ଡାକ୍ତରଖାନାରେ ଭର୍ତ୍ତି ହୋଇ ମଙ୍ଗଳବାର ରାତି ଗୋଟେ ବେଳେ ଶେଷ ନିଶ୍ବାସ ତ୍ୟାଗ କରିଥିଲେ । ଏନେଇ ଉପରାଷ୍ଟ୍ରପତି ଭେଙ୍କେୟା ନାଇଡୁ ଶୋଭାଙ୍କ ମୃତ୍ୟୁରେ ଶୋକ ପ୍ରକାଶ କରିଛନ୍ତି ।
ଶୋଭାଙ୍କ ମୃତ୍ୟୁରେ ତେଲେଙ୍ଗାନା ମୁଖ୍ୟମନ୍ତ୍ରୀ କେ.ଚନ୍ଦ୍ରଶେଖର ରାଓ କହିଛନ୍ତି, ଶୋଭାଙ୍କୁ କୁଚିପୁଡିର ଲୋକପ୍ରିୟ ନୃତ୍ୟଶିଳ୍ପୀ ଭାବରେ ସର୍ବଦା ସ୍ମରଣ କରାଯିବ । ଶୋଭାଙ୍କ ମୃତ୍ୟୁ ଇଣ୍ତଷ୍ଟ୍ରି ପାଇଁ ଏକ ବଡ କ୍ଷତି । ତାଙ୍କର ସତ୍ୟଭାମା ଏବଂ ପଦ୍ମାବତୀଙ୍କ ଭୂମିକା ସବୁବେଳେ ସ୍ମରଣୀୟ ହୋଇ ରହିବ ।