ବେଙ୍ଗାଲୁରୁ: ଶୁକ୍ରବାର କନ୍ନଡର ଫେମସ ଅଭିନେତ୍ରୀ ରାଗିନୀ ଦ୍ବିବେଦୀଙ୍କୁ ଡ୍ରଗ ଡିଲିଂ କେସରେ ସିସିବି ପୋଲିସ ଗିରଫ କରିଥିଲା । ଆଉ ତାଙ୍କ ନାମରେ ଏଫଆଇଆର ମଧ୍ୟ ରୁଜୁ ହୋଇଛି । ଇତିମଧ୍ୟରେ ଆଉ ଜଣେ କନ୍ନଡ ଅଭିନେତ୍ରୀଙ୍କୁ ନେଇ ଚର୍ଚ୍ଚା । କଂଗ୍ରେସ ନେତ୍ରୀ କବିତା ରେଡ୍ଡୀ ତାଙ୍କୁ ଅପମାନିତ କରିଥିବା ଅଭିଯୋଗ ଆଣିଛନ୍ତି ଅଭିନେତ୍ରୀ ସାମ୍ୟୁକ୍ତା ହେଗଡେ (samyuktha hegde) । ସେ ଆଗ୍ରା ହ୍ରଦ ପାଖରେ କିଛି ବନ୍ଧୁଙ୍କ ସହ ଥିବା ବେଳେ କବିତାଙ୍କ ଦ୍ବାରା ଅପମାନିତ ହୋଇଥିଲେ ।
ସେ ଟ୍ବିଟରରେ ଏକ ପୋଷ୍ଟ କରି ଏହାର ସୂଚନା ଦେଇ ଲେଖିଛନ୍ତି, ‘ଆଗ୍ରା ହ୍ରଦରେ କବିତା ରେଡ୍ଡୀ ଆମକୁ ଦୁର୍ବ୍ୟବହାର କରିଥିଲେ ଏବଂ ଉପହାସ କରିଥିଲେ । ସେଠାରେ କିଛି ସାକ୍ଷୀ ଓ ଭିଡିଓରେ ଏହାର ପ୍ରମାଣ ଅଛି । ମୁଁ ଆପଣଙ୍କୁ ଏହା ଅନୁରୋଧ କରୁଛି କି ଦୟା କରି କାର୍ଯ୍ୟନୁଷ୍ଠାନ ନିଅନ୍ତୁ । ଏହା ସମ୍ପୂର୍ଣ୍ଣ ଭୁଲ ଅଟେ । ଆଜି ଆମେ ଯାହା କରୁଛୁ ତାହା ଉପରେ ଆମ ଦେଶର ଭବିଷ୍ୟତ ପ୍ରତିଫଳିତ ହେଉଛି ।’ ସେ ଏହି ଟ୍ବିଟକୁ ବେଙ୍ଗାଲୁରୁ ପୋଲିସ କମିଶନର ଓ ସିଟି ପୋଲିସକୁ ଟ୍ୟାଗ କରିଛନ୍ତି ।