କେଜିଏଫ ଷ୍ଟାର ୟଶଙ୍କୁ ଦାଦା ସାହେବ ଫାଲକେ ସମ୍ମାନ

ଦାଦା ସାହେବ ଫାଲକେ ପୁରସ୍କାରରେ ସମ୍ମାନିତ ହୋଇଛନ୍ତି କନ୍ନଡ ସୁପରଷ୍ଟାର ୟଶ । କେଜିଏଫରେ ଅଭିନୟ ପାଇଁ ମିଳିଛି ସମ୍ମାନ ।

ହାଇଦ୍ରାବାଦ: କେଜିଏଫର ସୁପରଷ୍ଟାର କନ୍ନଡ ଅଭିନେତା ୟଶଙ୍କୁ 2019 ଦାଦା ସାହେବ ଫାଲକେ ସମ୍ମାନରେ ସମ୍ମାନିତ କରାଯାଇଛି । ଏହି ଆୱାର୍ଡ କାର୍ଯ୍ୟକ୍ରମ ହାଇଦ୍ରାବାଦରେ ଅନୁଷ୍ଠିତ ହୋଇଯାଇଛି । ଏହି ସମୟରେ ୟଶ, କେଜିଏଫର କିଛି ଡାଏଲଗ ଶୁଣାଇ ଉପସ୍ଥିତ ଦର୍ଶକଙ୍କ ମନୋରଞ୍ଜନ କରିଥିଲେ ।

କେଜିଏଫରେ ତାଙ୍କ ଅଭିନୟ ପାଇଁ ଏହି ସମ୍ମାନ ଦିଆଯାଇଛି । ଅନ୍ୟପକ୍ଷେ ‘ମହାନତି’ ପାଇଁ ଅଭିନେତ୍ରୀ କ୍ରିତି ସୁରେଶଙ୍କୁ ମଧ୍ୟ ଦାଦାସାହେବ ସମ୍ମାନରେ ସମ୍ମାନିତ କରିଛନ୍ତି । ୟଶଙ୍କୁ ପୂର୍ବରୁ SIIMA 2019ରେ ମଧ୍ୟ ଶ୍ରେଷ୍ଠ ଅଭିନେତାର ସମ୍ମାନ ପାଇଥିଲେ । ତେବେ ୟଶଙ୍କ ବ୍ଲକବଷ୍ଟର ଫିଲ୍ମ କେଜିଏଫର ଦ୍ବିତୀୟ ଭାଗ ଖୁବ 2020ରେ ପରଦାକୁ ଆସିପାରେ ।