କନ୍ନଡ ଆକ୍ଟର ଧ୍ରୁବ କୋରୋନା ପଜିଟିଭ

ପୁଣି କୋରୋନା ସଂକ୍ରମିତ ଆଉ ଜଣେ ଷ୍ଟାର୍ସ । ଏଥର ବଲିଉଡର ନୁହେଁ କିମ୍ବା ହଲିଉଡ ନୁହେଁ ବରଂ ସାଉଥ ଅଭିନେତା ଧ୍ରୁବ କୋରୋନା ପଜିଟିଭ ବାହାରିଛନ୍ତି।

ଚେନ୍ନାଇ: ଧିରେ ଧିରେ କରି ସେଲିବ୍ରିଟିଙ୍କ ଘରେ କୋରୋନା ପ୍ରକୋପ ଦେଖିବାକୁ ମିଳିଲାଣି। ଏଯାବତ ଏହି ସଂକ୍ରମଣରେ ସଂକ୍ରମିତ ହୋଇସାରିଲେଣି ଛୋଟ ପରଦାରୁ ନେଇ ବଡ ପରଦାର ସେଲିବ୍ରିଟି । ନିକଟରେ ମହାନାୟକ ଅମିତାଭ ବଚ୍ଚନଙ୍କ ସହ ପରିବାରର ଆଉ ତିନି ଜଣ କୋରୋନା ପଜିଟିଭି ବାହାରିଥିଲେ । ଯାହାକୁ ନେଇ ଦୁଃଖି ଦୋଇଯାଇଥିଲେ ଫ୍ୟାନ୍ସ । ଆଉ ବଚ୍ଚନ ପରିବାର ପାଇଁ ସୁସ୍ଥ କାମନା ମଧ୍ୟ କରିବାରେ ଲାଗିଛନ୍ତି । ଇତିମଧ୍ୟରେ ସାଉଥ ସେଲିବ୍ରିଟିଙ୍କ ଘରେ କୋରୋନା ସଂକ୍ରମିତ ଖବର ପୁଣି ଫ୍ୟାନ୍ସଙ୍କୁ ନିରାଶ କରିଦେଇଛି।

ଆଜ୍ଞା ହଁ, କନ୍ନଡ ଆକ୍ଟର ଧ୍ରୁବ ସର୍ଜା ଓ ତାଙ୍କ ପତ୍ନୀ ପ୍ରେରଣା ଶଙ୍କର କୋରୋନା ପଜିଟିଭ ଚିହ୍ନଟ ହୋଇଛନ୍ତି । ସେ ସୋସିଆଲ ମିଡିଆରେ ସମସ୍ତଙ୍କୁ ଏହି ସୂଚନା ଦେଇଛନ୍ତି।

ସେ ଟ୍ବିଟରରେ ଏକ ପୋଷ୍ଟ କରି ସଂକ୍ରମିତ ସୂଚନା ଦେବା ସହ କିଛି ଲୋକଙ୍କୁ କୋଭିଡ-19 ଟେଷ୍ଟ କରାଇବାକୁ ଅପିଲ ମଧ୍ୟ କରିଛନ୍ତି । ଯେଉଁମାନେ ଗତ କିଛି ଦିନରେ ସେମାନଙ୍କ ସମ୍ପର୍କରେ ଆସିଛନ୍ତି, ସେମାନ ନିହାତି ଟେଷ୍ଟ କରାଆନ୍ତୁ ବୋଲି କହିଛନ୍ତି।