ଲସ ଆଞ୍ଜେଲ୍ସ: କଳା ଜଗତ ପାଇଁ ଏବର୍ଷ କାଳ ସାଜିଛି । କାରଣ ଏବର୍ଷ ଅଧିକାଂଶ ଷ୍ଟାର୍ସଙ୍କ ମୃତ୍ୟୁ ଖବର ଦିନେ ଛଡା ଦିନେ ଶୁଣିବାକୁ ମିଳୁଛି । ବଲିଉଡଠୁ ନେଇ ଟଲିଉଡ ଓ ହଲିଉଡ ପର୍ଯ୍ୟନ୍ତ ଅନେକ କଳାକାର ଦୁନିଆ ଛାଡି ଚାଲିଗଲେଣି । ଗତ ଶନିବାର ହଲିଉଡର ସୁପରହିଟ୍ ଫିଲ୍ମ ‘ବ୍ଲାକ ପାନ୍ଥର’ର ଆକ୍ଟର ଚାଡୱିକ ବୋସେମାନଙ୍କ ଦେହାନ୍ତ ହୋଇଥିଲା । ତାଙ୍କ ମୃତ୍ୟୁରେ ହଲିଉଡ ଇଣ୍ଡଷ୍ଟ୍ରିରେ ଶୋକର ଛାୟା ଖେଳିଯାଇଥିଲା । କାରଣ ସେ ମାତ୍ର 43 ବର୍ଷ ବୟସରେ ଦୁନିଆକୁ ଅଲବିଦା କହିଛନ୍ତି । କୋଲନ କ୍ୟାନ୍ସର ପାଇଁ ତାଙ୍କ ମୃତ୍ୟୁ ଘଟିଥିଲା । ଇତିମଧ୍ୟରେ ତାଙ୍କ ପାଇଁ ସୋସିଆଲ ମିଡିଆରେ ଇମୋସନାଲ ପୋଷ୍ଟ କରି ଚର୍ଚ୍ଚାରେ ଫେମସ ହଲିଉଡ ଆକ୍ଟର ମାଇକେଲ ବି. ଜୋର୍ଡନ । ‘ବ୍ଲାକ ପାନ୍ଥର’ରେ ଏକାଠି କାମ କରିଥିଲେ ଏହି ଦୁଇ ଷ୍ଟାର ।
ସେ ଏକ ପୋଷ୍ଟ କରି ଲେଖିଛନ୍ତି, ‘ମୁଁ ଚେଷ୍ଟା କରୁଛି ସେହି ଶବ୍ଦ ଖୋଜିବାକୁ । ହେଲେ କିଛି ପାଉନାହିଁ । ଯାହା ମୋର ଭାବନା ପ୍ରକାଶ କରିପାରିବ । ମୋର ସବୁ କଥା ମନେ ପଡିଯାଉଛି । ତାଙ୍କ ସହ ବିତାଇଥିବା ସମୟ । ତାଙ୍କ ସହ ହୋଇଥିବା କଥାବାର୍ତ୍ତା । ସବୁ ଖୁସି, ସବୁ ଯୁକ୍ତିତର୍କ ଆଉ ସବୁବେଳେ ସେ ମତେ କରୁଥିବା ଆଲିଙ୍ଗନ ମୋର ମନେ ପଡିଯାଉଛି । କାଶ୍ ଆମ ପାଖରେ ଆଉ କିଛି ସମୟ ଥାଆନ୍ତା ଜୀବନକୁ ଏକାଠି ବଞ୍ଚିବା ପାଇଁ ।