ଲସ ଆଞ୍ଜେଲେସ: ପପ ଷ୍ଟାର ଲେଡି ଗାଗାଙ୍କ ନୂତନ ଆଲବମ କ୍ରୋମାଟିକା ମେ 29ରେ ଡେବ୍ୟୁ କରିବ । ଲେଡି ଗାଗା ତାଙ୍କ ଇନଷ୍ଟାରେ ଏକ ପୋଷ୍ଟରେ ଏହି ଘୋଷଣା କରିଛନ୍ତି । ଏହି ପୋଷ୍ଟରେ ଲେଡି ଗାଗା ଲେଖିଛନ୍ତି ଯେ, ଯାତ୍ରା ଜାରି ରହିଛି । ଆପଣମାନେ ଅଫିସିଆଲି #କ୍ରୋମାଟିକାରେ ମେ 29ରେ ଯୋଗଦାନ କରିପାରିବେ ।
କ୍ରୋମାଟିକା ଆଲବମ ପାଇଁ ଗାଗା ଭେଟେରାଇନ ମ୍ୟୁଜିକ ଷ୍ଟାର ଏଲଟନ ଜନ, ଗାୟକ ଆରିନା ଗ୍ରାଣ୍ଡେ ଏବଂ କେ.ପପ ଗ୍ରୁପ ବ୍ଲାକପିଙ୍କ ସହ ସହଯୋଗ କରିଥିଲେ । ଏହାସହ ଲେଡି ଗାଗାଙ୍କ ଦୀର୍ଘ ଦିନର ବନ୍ଧୁ ହେଉଛନ୍ତି ମ୍ୟୁଜିକ ଷ୍ଟାର ଏଲଟନ ଜନ ।
16 ଟି ଟ୍ରାକ ଧାରଣ କରିଥିବା ଲେଡି ଗାଗାଙ୍କ ନୂତନ ଆଲବମ କ୍ରୋମାଟିକା ପୂର୍ବରୁ ଏପ୍ରିଲ 10ରେ ରିଲିଜ କରିବାର ଯୋଜନା ଥିଲା । କିନ୍ତୁ କରୋନାଭାଇରସ ମହାମାରୀ ହେତୁ ଏହାକୁ ସ୍ଥଗିତ ରଖିବାକୁ ପଡିଥିଲା ।