ଫୋବର୍ସ 30ରେ ସାଉଥ ସୁପରଷ୍ଟାର ବିଜୟ

ଟଲିଉଡ ଅଭିନେତା ବିଜୟ ଦେବରକୋଣ୍ଡା ଏବେ ସଫଳତାର ଶୀର୍ଷରେ । ଆଉ ସେଥିପାଇଁ ବିଜୟଙ୍କ ଫ୍ୟାନ ଫଲୋୟର୍ସ ବି କାହିଁରେ କଣ । ହେଲେ ଏବେ ସେ ପ୍ରଖ୍ୟାତ ଫୋବର୍ସ ମାଗାଜିନରେ 30ବର୍ଷ ମଧ୍ୟରେ ଟପ 30 ୟଙ୍ଗ ପିପୁଲରେ ସ୍ଥାନ ପାଇଁ ଆଉ ଏକ ମାଇଲ ଖୁଣ୍ଟ ଅତିକ୍ରମ କରିଛନ୍ତି ।

ହାଇଦ୍ରାବାଦ: ଟଲିଉଡ ଅଭିନେତା ବିଜୟ ଦେବରକୋଣ୍ଡା ଏବେ ସଫଳତାର ଶୀର୍ଷରେ । ଆଉ ସେଥିପାଇଁ ବିଜୟଙ୍କ ଫ୍ୟାନ ଫଲୋୟର୍ସ ବି କାହିଁରେ କଣ । ହେଲେ ଏବେ ସେ ପ୍ରଖ୍ୟାତ ଫୋବର୍ସ ମାଗାଜିନରେ 30ବର୍ଷ ମଧ୍ୟରେ ଟପ 30 ୟଙ୍ଗ ପିପୁଲରେ ସ୍ଥାନ ପାଇଁ ଆଉ ଏକ ମାଇଲ ଖୁଣ୍ଟ ଅତିକ୍ରମ କରିଛନ୍ତି ।

ବିଜୟ ତାଙ୍କର ଏହି ସଫଳତାର କାହାଣୀ ନିଜ ସୋସିଆଲ ମିଡିଆରେ ପ୍ରକାଶ କରି ଲେଖିଛନ୍ତି, 'ମୁଁ 25ବର୍ଷର ଥିଲି । ଆନ୍ଧ୍ରା ବ୍ୟାଙ୍କରେ ମାତ୍ର 500ଟଙ୍କା ରଖିପାରୁନଥିବାରୁ ଆକାଉଣ୍ଟ ବ୍ଲକ ହୋଇଯାଇଥିଲା । ପିତା କହିଥିଲେ 30 ପୂର୍ବରୁ ଆର୍ଥିକ ପରିସ୍ଥିତିରେ ସୁଧାର ଆଣ । ଏହାଦ୍ବାରା ତୁମେ ଯୁବାବସ୍ଥାର ଓ ପିତାମାତାଙ୍କୁ ତୁମ ସଫଳତାର ଆନନ୍ଦ ଦେଇପାରିବ । 4ବର୍ଷ ପରେ ଫୋବର୍ସ ସେଲିବ୍ରିଟି 100, ଫୋବର୍ସ 30 ଅଣ୍ଡର 30 ।'

'ଗୀତ ଗୋବନ୍ଦ' ଅଭିନେତା ବିଜୟ 2011ରେ ଫିଲ୍ମ 'ନୁଭିଲ୍ଲା' ଦ୍ବାରା କ୍ୟାରିୟର ଆରମ୍ଭ କରିଥିବାବେଳେ ଫିଲ୍ମ 'ଅର୍ଜୁନ ରେଡ୍ଡୀ'ତାଙ୍କୁ ଦେଇଥିଲା ବ୍ଲକବଷ୍ଟର ହିଟ । ତେବେ ଫୋବର୍ସ ଲିଷ୍ଟରେ ୟୁଟ୍ୟୁବ ଷ୍ଟାର ପ୍ରାଜକ୍ତା କୋଲୀ, କ୍ରିକେଟର ସ୍ମୃତି ମାନ୍ଧନା, ଆଥଲେଟ ହିମା ଦାସ ଓ ନିରଜ ଚୋପ୍ରା ମଧ୍ୟ ସ୍ଥାନ ପାଇଛନ୍ତି । ବିଜୟ ଆଗାମୀ ଫିଲ୍ମ 'ଡିୟର କୋମରାଡେ'ର ସୁଟିଂରେ ଏବେ ବ୍ୟସ୍ତ ।