"ଗଣପତି ବପ୍ପା ମୋରିୟା...ମଙ୍ଗଲ ମୁରତି ମୋରିୟା"
ଉତ୍ସବମୁଖର ସାରା ଦେଶ । କାରଣ ଗଣପତି ବାପ୍ପାଙ୍କ ପୂଜା । ସର୍ବବିଦ୍ୟମାନ ଗଣେଷ ଗଜାନନ ଧରାପୃଷ୍ଠରେ ଅବତରଣ କରୁଛନ୍ତି । ବୁଦ୍ଧି, ବିଦ୍ୟା ଓ ବିଘ୍ନହର୍ତ୍ତା ଆଦିଦେବ ଶ୍ରୀଗଣେଶ । ସାରାଦେଶ ଖୁବ୍ ଧୁମ୍ଧାମରେ ଗଣେଶଙ୍କ ଆଗମନର ଖୁସି ମନାଉଛି । ଏଥିରୁ କିପରି ବାଦ ପଡିବ ବଲିଉଡ ।
ଦିୱାଲି ଅବା ହୋଲି । ନିଜ ରଙ୍ଗରେ ସବୁ ଫେଷ୍ଟିଭାଲକୁ ରଙ୍ଗେଇଥାଏ ବଲିଉଡ । ଆଉ ଏହି ଲିଷ୍ଟରେ ଗଣପତିଙ୍କ ସ୍ଥାନ ଖୁବ ଉଚ୍ଚ । ଫିଲ୍ମରେ ଗଜାନନ କିଛି ନୂଆ କଥା ନୁହେଁ । ବଲିଉଡ ଓ ଗଣପତିଙ୍କ ସମ୍ପର୍କ ବହୁତ ପୁରୁଣା । ବଲିଉଡରେ ନିର୍ମାଣ ହୋଇଛି ଗଣେଶଙ୍କୁ ନେଇ ଅନେକ ଗୀତ । ଯାହାର ଝଲକ ଆଜି ଆମେ ଆପଣଙ୍କୁ ଦେବୁ ।
ହେ ଗଣପତି ବାପ୍ପା ମୋରିୟା । 1969ରୁ ବିଟାଉନ ଫିଲ୍ମରେ ଆରମ୍ଭ ହୋଇଥିଲା ଗଣପତିଙ୍କ ପ୍ରବେଶ । BLACK AND WHITEରେ ତିଆରି ସବୁଠୁ OLD SONG । ଗୀତ ମାଧ୍ୟମରେ ଶିବପୁତ୍ରଙ୍କୁ ଦିଆଯାଇଛି ଭକ୍ତିପୂତ ନିବେଦନ ।
ଏହାପରେ ଅଶୀ ଓ ନବେ ଦଶକରେ ବଲିଉଡରେ ବଢିଥିଲା ଗଣପତି କ୍ରେଜ । ପ୍ରତିଟି ଗୀତ ଆଣିଥିଲା ଜବରଦସ୍ତ ସଫଳତା । ଫିଲ୍ମରେ ଗୋଟିଏ ଗଣେଶଙ୍କ ଗୀତ ଥିଲା ଥୟ । 1981ରେ ଆସିଥିଲା ହମସେ ବଢକର କୌନ ଫିଲ୍ମର ଗୀତ ଦେବା ଓ ଦେବା...ଗଣପତି ଦେବା...। ଏହି ଗୀତଟି ବଲିଉଡ ଫିଲ୍ମରେ ଗଜାନନଙ୍କ ଗୀତକୁ ଦେଇଥିଲା ନୂଆ ପରିଚୟ ।