ମୁମ୍ବାଇ: ହଲିଉଡ ଆକ୍ଟର କ୍ରିଷ୍ଟୋଫର ହିଭଜୁ ବ୍ଲକବଷ୍ଟର ଫିଲ୍ମ ‘ଗେମ ଅଫ ଥ୍ରୋନ୍ସ’ ଜରିଆରେ ଦର୍ଶକଙ୍କ ମନ କିଣିଥିଲେ। ସେ ଫିଲ୍ମରେ ଟରମଣ୍ଡ ଗିଣ୍ଟସବେନ ଭୂମିକାରେ ନଜର ଆସିଥିଲେ। ଇତିମଧ୍ୟରେ ତାଙ୍କ ଫ୍ୟାନ୍ସଙ୍କୁ ଗୁଡନ୍ୟୁଜ ମିଳିଛି। ଯାହା ଶୁଣି ଖୁସି ହୋଇଯିବେ ସମସ୍ତେ।
ଆଜ୍ଞା ହଁ, ସେ କୋରୋନା ଭାଇରସ ଲଢେଇରେ ବିଜୟ ହାସିଲ କରିଛନ୍ତି। ବର୍ତ୍ତମାନ ସେ ସୁସ୍ଥ ଅଛନ୍ତି ବୋଲି ସୋସିଆଲ ମିଡିଆରେ ଫ୍ୟାନ୍ସଙ୍କୁ ସୂଚନା ଦେଇଛନ୍ତି।
ପ୍ରକାଶ ଥାଉକି ସେ ଓ ତାଙ୍କ ପତ୍ନୀ ଗେରୀଙ୍କ ମଧ୍ୟରେ କୋରୋନା ଲକ୍ଷଣ ଦେଖିବାକୁ ମିଳିଥିଲା। ପତ୍ନୀଙ୍କ ସହ ସୋସିଆଲ ମିଡିଆରେ ଫଟୋ ସେୟାର କରି କ୍ରିଷ୍ଟୋଫର କ୍ୟାପସନରେ ଲେଖିଛନ୍ତି, ‘କୋରୋନା ସଂକ୍ରମିତରୁ ଏବେ ଆମେ ମୁକ୍ତ। ମୁଁ ଓ ମୋ ପତ୍ନୀ ଏବେ ସମ୍ପୂର୍ଣ୍ଣ ରୂପେ ସୁସ୍ଥ ଅଛୁ।’
ଗତ କିଛି ଦିନ ପୂର୍ବରୁ ସେ ସୋସିଆଲ ମିଡିଆରେ କୋରୋନା ଭାଇରସରେ ସଂକ୍ରିମତ ହେବା ସୂଚନା ଦେଇଥିଲେ। ଯାହା ଶୁଣି ନିରାଶ ହୋଇଯାଇଥିଲେ ତାଙ୍କ ଫ୍ୟାନ୍ସ।