ପପୁଙ୍କ ନାଁରେ ଥାନାରେ ମାମଲା

ଜେଲ ଯିବେ ପପୁ ପମପମ । ତାଙ୍କ ନାମରେ ରୁଜୁ ହେଲା ମାମଲା । ନିଶ୍ଚିତକୋଇଲି ଥାନାରେ ପପୁଙ୍କ ବିରୋଧରେ ଏଫଆଇଆର ରୁଜୁ ।

କଟକ: ଓଡ଼ିଆ ଇଣ୍ଡଷ୍ଟ୍ରିର ଲୋକପ୍ରିୟ କମେଡିଆନ ପପୁ ପମପମଙ୍କ ବିରୋଧରେ ରୁଜୁ ହେଲା ମାମଲା । ନିଶ୍ଚିତକୋଇଲି ଥାନାରେ ପପୁଙ୍କ ବିରୋଧରେ ମାମଲା ରୁଜୁ କଲେ ନିଶ୍ଚିତକୋଇଲି ନାଗରିକ ସଙ୍ଗଠନ । ରାତାରାତି ଷ୍ଟାର ପାଲଟିଥିବା ଷ୍ଟେସନ ଗାୟିକା ରାନୁ ମଣ୍ଡଳକୁ ଅପମାନ କରି ତାଙ୍କ ସମ୍ମାନକୁ ପପୁ ହାନି ପହଞ୍ଚାଇଥିବା ଅଭିଯୋଗ ଆଣିଛି ନାଗରିକ ମଞ୍ଚ। । ଏହି ସଙ୍ଗଠନର କର୍ମୀମାନେ ଥାନାରେ ଏକ ଲିଖିତ ଏତଲା ଦେଇଛନ୍ତି ।

ଘଟଣାର ତଦନ୍ତ କରି ପପୁଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ଅନୁରୋଧ କରିଛି ଏହି ସଙ୍ଗଠନ। ପ୍ରକାଶ ଥାଉକି ରାନୁ ମଣ୍ଡଳଙ୍କର ଏକ ନକଲ ଭିଡିଓ ପ୍ରସ୍ତୁତ କରି ହାସ୍ୟ ଅଭିନେତା ପପୁ ପମ ପମ ସୋସିଆଲ ମିଡିଆରେ ଛାଡ଼ି ଥିଲେ । ଯାହା ପରେ ଦେଖାଦେଇଛି ବିବାଦ ।

କଟକରୁ ନାରାୟଣ ସାହୁ, ଇଟିଭି ଭାରତ