ଭୁବନେଶ୍ବର: ଓଡ଼ିଶାର ଜଣାଶୁଣା କଣ୍ଠଶିଳ୍ପୀ ହ୍ୟୁମାନ ସାଗରଙ୍କ ନାମରେ ଏଫଆଇଆର ରୁଜୁ। ବର୍ତ୍ତମାନ ସାରା ବିଶ୍ବରେ କୋରୋନା ଭାଇରସ ମାରାତ୍ମକ ରୂପ ଧାରଣ କରିଥିବା ବେଳେ ଏହାକୁ ନେଇ ବିଭିନ୍ନ ପ୍ରକାର ପ୍ରଚାର ଓ ଅପପ୍ରଚାର ଚାଲିଛି। ତେବେ ଏହି ସମୟରେ ଲୋକପ୍ରିୟ ଗାୟକ ହ୍ୟୁମାନ ସାଗର କୋରୋନାକୁ ଝିଅ ସହିତ ତୁଳନା କରି ଏକ ଗୀତ ଗାଇଛନ୍ତି। ଯାହାକି ନେଇ ସବୁ ମହଲରେ ନିନ୍ଦା କରାଯାଇଛି।
ଭିଡିଓ ସୌଜନ୍ୟ: ପ୍ରତିନିଧି,ଭୁବନେଶ୍ବର
ଗୀତ ପାଇଁ ହ୍ୟୁମାନଙ୍କୁ ସୋସିଆଲ ମିଡିଆରେ ଟ୍ରୋଲର୍ସଙ୍କ ଶିକାର ହେବାକୁ ପଡିଛି। ଆଜି ସ୍ବାଭିମାନ ମଞ୍ଚ ପକ୍ଷରୁ ମଧ୍ୟ ଏହାକୁ ନେଇ ଆପତ୍ତି ପ୍ରକାଶ କରାଯାଇଛି । ଏହାସହ ଡିସିପିଙ୍କ ନିକଟରେ ଫେରାଦ ହୋଇଛି।