କୋଲକାତା: ସାମନାକୁ ଆସିଲା ଲୋକପ୍ରିୟ ବଙ୍ଗାଳୀ ଅଭିନେତ୍ରୀ ତଥା TMC ସାସଂଦ ନୁସରତ ଜାହାଁଙ୍କ ସନ୍ତାନର ଜନ୍ମ ପ୍ରମାଣ ପତ୍ର । ଏଥିରେ ସନ୍ତାନର ପିତା ଭାବେ ତାଙ୍କ ପାର୍ଟନର ତଥା ବଙ୍ଗାଳୀ ଆକ୍ଟର ୟଶ ଦାସଗୁପ୍ତାଙ୍କ ନାଁ ରହିଥିବା ଜଣାପଡ଼ିଛି । ନୁସରତ ତାଙ୍କ ସନ୍ତାନଙ୍କ ପିତାଙ୍କ ନାମକୁ ଲୁଚାଉଥିବା ବେଳେ ବର୍ତ୍ତମାନ ଏହା ସମସ୍ତଙ୍କ ସାମନାକୁ ଆସିଛି ।
ଗତ ଅଗଷ୍ଟ ୨୬ ତାରିଖରେ ଏକ ପୁତ୍ର ସନ୍ତାନଙ୍କୁ ଜନ୍ମ ଦେଇଥିଲେ ନୁସରତ । ତେବେ ଏହି ଶିଶୁଟି ଜନ୍ମ ନେବା ପରେ ନୁସରତଙ୍କ ପାର୍ଟନର ତଥା ସନ୍ତାନର ପିତାଙ୍କୁ ନେଇ ଚର୍ଚ୍ଚା ଜୋର ଧରିଥିଲା । କିନ୍ତୁ ଏହାର ଅନ୍ତ ଘଟିଛି । ଅଭିନେତ୍ରୀ ଏହାକୁ ଲୁଚାଉଥିବା ବେଳେ ସନ୍ତାନର ପିତାଙ୍କ ପରିଚୟ ସାମନାକୁ ଆସିଛି । ପ୍ରମାଣ ପତ୍ରରେ ପିତାଙ୍କ ନାମ ସ୍ଥାନରେ ୟଶ ବା ଦେବାଶିଷ ଦାସଗୁପ୍ତାଙ୍କ ନାମ ଲେଖାଥିବା ସୂଚନା ମିଳିଛି । ଏଥିରେ ସନ୍ତାନର ନାମ ରହିଛି ୟିଶାନ ଜେ ଦାସଗୁପ୍ତା ।