ରାଜଧାନୀରେ ଚାଲିଛି ‘ବାବୁ ଭାଇଜାନ୍’ ସୁଟିଂ

ରିଅଲ କାହାଣୀକୁ ନେଇ ପ୍ରସ୍ତୁତ ହେଉଛି ଓଡିଆ ଫିଲ୍ମ ‘ବାବୁ ଭାଇଜାନ’ । ରାଜଧାନୀରେ ଏନେଇ ଚାଲିଛି ସୁଟିଂ ।

ହାଇଦ୍ରାବାଦ: ରିଅଲ ଲାଇଫ ଷ୍ଟୋରୀକୁ ନେଇ ନିର୍ମାଣ ହେଉଛି ଫିଲ୍ମ ‘ବାବୁ ଭାଇଜାନ’ । ବାଲେଶ୍ବରର ସଫଳ ବ୍ୟବସାୟୀ ଅବଦୁଲ ଅମିନ ଖାନ ଓରଫ ବାବୁ ଙ୍କୁ ନେଇ ନିର୍ମାଣ ହେଉଛି ଫିଲ୍ମ । ବାଲେଶ୍ବରର ଇଛମଣଖୁଣ୍ଟା ଗ୍ରାମର ୁ ବିଦେଶ ଯାଏଁ ବାବୁ ଭାଇଜାନଙ୍କ ଯାତ୍ରାକୁ ଫିଲ୍ମରେ ଚିତ୍ରଣ କରାଯିବ । ନିଜ ପାଖରେ କପଡା ପିନ୍ଧିବାକୁ ନଥିବା ବେଳେ କେମିତି ନିଜେ ସଂଘର୍ଷ କରି ପାଞ୍ଚଟି ଦେଶକୁ ବର୍ତ୍ତମାନ କପଡା ବିକ୍ରି ପାଇଁ ପଠାଉଛନ୍ତି, ତାହା ହିଁ କାହାଣୀର ବୈଶିଷ୍ଠ ।

ବୁଧବାର ରାଜଧାନୀରେ ଏହାର ରୋମାଣ୍ଟିକ ସିନ୍ ସୁଟିଂ କରାଯାଇଛି । ଫିଲ୍ମରେ ମୁଖ୍ୟ ଭୂମିକାରେ ନଜର ଆସିବେ ଅଭିନେତା ଅରିନ୍ଦମ ଓ ଅଭିନେତ୍ରୀ ଶିବାନି । ଅନ୍ୟପଟେ ଫିଲ୍ମର ପ୍ରଯୋଜନା ଭାର ସମ୍ଭାଳିଛନ୍ତି ସନ୍ତୋଷ ନାରାୟଣ ଦାସ ଓ ନିର୍ଦ୍ଦେଶନା କରିଛନ୍ତି ତାପସ ସରଗରିଆ । ମ୍ୟୁଜିକ ଦେଇଛନ୍ତି ମଳୟ ମିଶ୍ର ଓ କଣ୍ଠଦାନ କରିଛନ୍ତି ବଲିଉଡ ଗାୟକ ସାନ୍, ଅଭିଜିତ, ଇରା ମହାନ୍ତି ଓ ସଂଗ୍ରାମ । ଅନ୍ୟପକ୍ଷେ ବବି ମିଶ୍ର, ମିହିର ଦାସ, ଶ୍ରୀତମ ଆଦି ନଜର ଆସିବେ ।

ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ