ମୁମ୍ବାଇ: ସାଉଥର ଫେମସ ଅଭିନେତ୍ରୀ ଅନୁଷ୍କା ସେଟ୍ଟୀ ବ୍ଲକବଷ୍ଟର ଫିଲ୍ମ 'ବାହୁବଳୀ' ପରେ ଅଧିକ ଲୋକପ୍ରିୟ ହୋଇଥିଲେ । କିନ୍ତୁ ତାଙ୍କ ଅଭିନୟ ଠାରୁ ତାଙ୍କ ମୋଟାପଣକୁ ନେଇ ଅଧିକ ଚର୍ଚ୍ଚା ହୋଇଥାଏ । ତାଙ୍କୁ ମୋଟା ଅଭିନେତ୍ରୀରେ ମଧ୍ୟ ସାମିଲ କରି ଦେଇଥିଲେ ଦର୍ଶକ । ଏବେ ସେ ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛନ୍ତି । କାରଣ ଏହି ସମୟରେ ସେ ନିଜ ୱେଟ ଲସକୁ ନେଇ ମଧ୍ୟ ଚର୍ଚ୍ଚାରେ ଅଛନ୍ତି । ଖାଲି ଏତିକି ନୁହେଁ ସୋସିଆଲ ମିଡିଆରେ ସେ କିଛି ଫଟୋ ସେୟାର କରି ନିଜ ଓଜନ କିପରି ହଟାଇଲେ ତାର ସିକ୍ରେଟ ଫ୍ୟାନ୍ସଙ୍କୁ ଜଣାଇଛନ୍ତି ।
ଫଟୋରେ ଅନୁଷ୍କାଙ୍କ ନୂଆ ଅବତାର ଦେଖିବାକୁ ମିଳୁଛି । ଫଟୋ ଦେଖି ଜଣାପଡିଯାଉଛି ଯେ ଅନୁଷ୍କା ନିଜ ଶରୀରର ଓଜନ କମ କରିନେଇଛନ୍ତି । ଇନଷ୍ଟାଗ୍ରାମରେ ଫଟୋ ସେୟାର କରି ସେ କ୍ୟାପସନରେ ଲେଖିଛନ୍ତି, 'ଦ ମ୍ୟାଜିକ ୱେଟ ଲସ ପିଲ' । ଫଟୋ ଦେଖି ତାଙ୍କ ଫ୍ୟାନ୍ସ ନିହାତି ପାଗଳ ହୋଇଯିବେ । କିନ୍ତୁ ଏହାସହ ତାଙ୍କ ଶରୀର ଓଜନ କିପରି କମିଲା ତାହା ମଧ୍ୟ ଜାଣିବାକୁ ଚାହିଁବେ ।