ମୁମ୍ବାଇ: 70-80 ଦଶକରେ ବଲିଉଡକୁ ନିଜ ସେକ୍ସୀ ଅନ୍ଦାଜ ଦେଖାଇ ସେକ୍ସୀ ଅଭିନେତ୍ରୀ ରୂପେ ପରିଚିତ ହୋଇଥିଲେ ଜୀନତ ଅମନ । ତାଙ୍କ ପାଖରୁ ଆରମ୍ଭ ହୋଇଥିଲା ବଲିଉଡରେ ବୋଲ୍ଡ ସିନର ଟ୍ରେଣ୍ଡ । ଶାନଦାର ଅଭିନୟ ସହ ତାଙ୍କ ଜବରଦସ୍ତ ଅନ୍ଦାଜ ଫିଲ୍ମକୁ କରାଉଥିଲା ସୁପରଡୁପରହିଟ୍ । ଆଜି ଏହି ମହାନ ଅଭିନେତ୍ରୀଙ୍କ 69ତମ ଜନ୍ମଦିନ । 1951 ନଭେମ୍ବର 19ରେ ଜନ୍ମିତ ଜୀନତଙ୍କ ବିଷୟରେ ଜାଣିବା କିଛି ଖାସ୍ କଥା...
ଫଟୋ ସୌଜନ୍ୟ: ଇନଷ୍ଟାଗ୍ରାମ@ଫ୍ୟାନକ୍ଲବ ସେ ବୃତ୍ତିଗତ ସାମ୍ନାରେ ସମ୍ମାନ ଏବଂ ଖ୍ୟାତି ଅର୍ଜନ କରିଥିବାବେଳେ ତାଙ୍କ ବ୍ୟକ୍ତିଗତ ଜୀବନ ଅଧିକ ଜଟିଳ ଏବଂ ବିବାଦୀୟ ମନେ ହେଉଥିଲା । କାରଣ ଲଭ ଲାଇଫରେ ନଥିଲେ ସେ ଖୁସି । 1980 ସମୟରେ ଜୀନତ ନିଜ ପ୍ରେମିକ ତଥା ଅଭିନେତା ସଞ୍ଜୟ ଖାନ ଦ୍ବାରା ସର୍ବସାଧାରଣରେ ଏକ ହୋଟେଲରେ ମାଡ ଖାଇଥିଲେ । ଯାହାକୁ ନେଇ କିଛି ବର୍ଷ ତାଙ୍କର ସମାଲୋଚନା ମଧ୍ୟ ହୋଇଥିଲା ।
ଫଟୋ ସୌଜନ୍ୟ: ଇନଷ୍ଟାଗ୍ରାମ@ଫ୍ୟାନକ୍ଲବ ଜୀନତଙ୍କ ସହ ରିଲେସନଶିପରେ ଆସିବା ପୂର୍ବରୁ ସଞ୍ଜୟ ବିବାହିତ ଥିଲେ । ଘଟଣାର ଗୁଜବକୁ ସମ୍ବୋଧିତ କରି ଜୀନତ ଅନେକ ବର୍ଷ ପୂର୍ବେ ଅଭିନେତ୍ରୀ ସିମି ଗାରେୱାଲଙ୍କ ଦ୍ବାରା ଆୟୋଜିତ ଏକ ଲୋକପ୍ରିୟ ଚାଟ ଶୋରେ ଶାରୀରିକ ନିର୍ଯାତନା ତଥା ନିଜ ସହ ହୋଇଥିବା ହିଂସା ବିଷୟରେ ଆଲୋଚନା କରିଥିଲେ । ଆଉ ଶୁଣାଇଥିଲେ ନିଜ ଦୁଃଖଭରା କାହାଣୀ । ହେଲେ ସେ ସଞ୍ଜୟଙ୍କ ନାମ ନେଇନଥିଲେ । ତାଙ୍କ ଏପରି ବୟାନରୁ ସମସ୍ତେ ଅନ୍ଦାଜା ଲଗାଇଥିଲେ ଯେ ସଞ୍ଜୟ ହିଁ ତାଙ୍କୁ ହୋଟେଲ ରୁମରେ ପିଟିଥିଲେ ।
ଫଟୋ ସୌଜନ୍ୟ: ଇନଷ୍ଟାଗ୍ରାମ@ଫ୍ୟାନକ୍ଲବ ସେହିପରି ଜୀନତ ଆହୁରି କହିଥିଲେ ଯେ ସେ ନିଜ ଜୀବନରେ ଏହି ଘଟଣାକୁ କେବେ ମଧ୍ୟ ମନେ ପକାନ୍ତି ନାହିଁ । ଯାହା ବି ଥିଲା ତାଙ୍କ ଅତୀତ ଥିଲା । ସେ ବର୍ତ୍ତମାନରେ ବଞ୍ଚିବାକୁ ଭଲ ପାଆନ୍ତି । ଏଥିପାଇଁ ସେ ନିଜ ଜୀବନର ସବୁ ଖରାପ ମୁହୂର୍ତ୍ତକୁ ଭୁଲିଯାଆନ୍ତି ।
