ପୁଅ ସହ ଜାଭେଦ ଜାଫ୍ରିଙ୍କ ଜବରଦସ୍ତ ଡାନ୍ସ, ଦେଖନ୍ତୁ ଭିଡିଓ

ପୁଅ ମିଜାନ ସହ ନାଚି ଜାଭେଦ ପ୍ରମାଣ କରିଦେଇଛନ୍ତି, ସେ ଏବେ ବି ଯୁବକ ଅଛନ୍ତି । ମଲାଲ ଗୀତରେ ପୁଅ ସହ ପ୍ରଥମ ଥର ନାଚିଛନ୍ତି ଜାଭେଦ ।

ହାଇଦ୍ରାବାଦ: ଜାଭେଦ ଜାଫ୍ରିଙ୍କ ପୁଅ ମିଜାନ ଫୁବ ଶୀଘ୍ର ବଲିଉଡରେ ଏଣ୍ଟ୍ରି ମାରିବାକୁ ଯାଉଛନ୍ତି । ସଞ୍ଜୟ ଲୀଲା ଭଂସାଲିଙ୍କ ଭାଣିଜି ଶର୍ମିନ ସେଗଲଙ୍କ ସହ ଫିଲ୍ମ ‘ମଲାଲ’ ରୋମାନ୍ସ କରିବେ ମିଜାନ । ନିକଟରେ ‘ମଲାଲ’ର ଗୀତ ‘ଆଇଲା ରେ’ରିଲିଜ ହୋଇଥିଲା ।

ତେବେ ଏହି ଗୀତରେ ପୁଅ ମିଜାନଙ୍କ ସହ ଜାଭେଦ ନାଚୁଥିବାର ଏକ ଭିଡିଓ ସେୟାର ଭାଇରାଲ ହୋଇଛି । ଏଥିରେ ପ୍ରଥମ ଥର ଜାଭେଦ ଓ ପୁଅ ମିଜାନ ନାଚ କରିଛନ୍ତି । ଏନେଇ ବହୁତ ଖୁସି ଥିବା ସହ ବାପାଙ୍କୁ ଧନ୍ୟବାଦ ଜଣାଇଛନ୍ତି ମିଜାନ ।

ମିଜାନଙ୍କ ପ୍ରଥମ ଗୀତକୁ ସ୍ମରଣୀୟ ବନେଇଥିବାରୁ ସେ କୋରିଓଗ୍ରାଫର ଗଣେଶ ଆଚାର୍ଯ୍ୟ ଓ ସଞ୍ଜୟ ଲୀଲା ଭଂସାଲିଙ୍କୁ ମଧ୍ୟ ଧନ୍ୟବାଦ ଜଣେଇଛନ୍ତି । ପ୍ରକାଶ ଥାଉକି, ସଞ୍ଜୟ ଲୀଲା ଭଂସାଲି ଉଭୟ ମିଜାନ ଓ ଶର୍ମିନଙ୍କୁ ବଲିଉଡରେ ଉପସ୍ଥାପନା କରିବେ ।

ଫିଲ୍ମର ନିର୍ଦ୍ଦେଶନା ଦେଇଛନ୍ତି ମଙ୍ଗେଶ ହଦୱାଲା ଓ ପ୍ରଯୋଜନା ଭାର ସମ୍ଭାଳିଛନ୍ତି ଭୂଷଣ କୁମାର, ମହାବୀର ଜୈନ ଓ କ୍ରିଷ୍ଣା କୁମାର । ଫିଲ୍ମଟି ଜୁଲାଇ 5ରେ ପରଦାକୁ ଆସିବ ।