ମୁମ୍ବାଇ: କିଛି ଦିନ ହେବ ବଲିଉଡର ଦଙ୍ଗଲ ଫେମ ଜାଏରା ୱାସୀମ ଫିଲ୍ମ ଇଣ୍ଡଷ୍ଟ୍ରୀକୁ ଅଲବିଦା କହି ଚର୍ଚ୍ଚାରେ ଅଛନ୍ତି । ଜାଏରାଙ୍କ ଏହି ଘୋଷଣା ପରେ ଅନେକ ଖବର ସାମ୍ନାକୁ ଆସିଛି । ଯେଉଁଥିରେ କୁହାଯାଇଥିଲା କି ହୁଏତଃ ତାଙ୍କ ସୋସିଆଲ ମିଡିଆ ଆକାଉଣ୍ଟ ହ୍ୟାକ ହୋଇଯାଇଛି ।
ଏବେ ପୁଣି ତାଙ୍କୁ ନେଇ ନୂଆ ଖବର ଜୋର ଧରିଛି । ଶୁଣିବାକୁ ମିଳୁଛି ଯେ ସେ ଛଟୋ ପରଦାର ବିବାଦୀୟ ଶୋ ବିଗ ବସ-13ରେ ଭାଗ ନେଇପାରନ୍ତି । ଯାହା ପାଇଁ ଶୋର ମେକର୍ସ ଜାଏରାଙ୍କ ମତାମତ ମାଗିଛନ୍ତି ।
ଅନ୍ୟପଟେ ଜାଏରାଙ୍କୁ ଅଭିନେତ୍ରୀ ଶିଳ୍ପା ସିନ୍ଦେଙ୍କ ସହ ତୁଳନା ମଧ୍ୟ କରାଯାଉଛି । କାରଣ 'ଭାବି ଜି ଘର ପର ହେଁ'ର ବିବାଦ ପରେ ଶିଳ୍ପା ଅଭିନୟ ଛାଡିବାର ନିଷ୍ପତ୍ତି ନେଇଥିଲେ । କିନ୍ତୁ ପରେ ସେ ବିଗ-ବସ ସାମିଲ ହୋଇ ବିଜୟୀ ହୋଇଥିଲେ । ଏହାସହ ବିଗ ବସ ପରେ ତାଙ୍କ ପପୁଲାରିଟି ଆହୁରି ବଢିଯାଇଥିଲା । ଏବେ ଜାଏରାଙ୍କୁ ମଧ୍ୟ ଶୋରେ ସାମିଲ କରିବାର ଯୋଜନା ଚାଲିଛି । ମୁଖ୍ୟ କଥା ହେଲା କି ସେ ମଧ୍ୟ ଶୋକୁ ନେଇ ଉତ୍ସାହିତ ଅଛନ୍ତି ।
ତେବେ ଏହି ଖବର ସତ କି ଉଡା ଖବର ଜାଣିବା ପାଇଁ ଜାଏରାଙ୍କ ଫ୍ୟାନ୍ସଙ୍କୁ କିଛି ଦିନ ଅପେକ୍ଷା କରିବାକୁ ପଡିବ ।