ମୁମ୍ବାଇ: ନିକଟରେ ଅଭିନେତ୍ରୀ ଶ୍ରୁତି ହାସନ ଟ୍ରକ୍ ଚଳାଇବାର ଅଭିଜ୍ଞତା ସେୟାର କରିଛନ୍ତି ।
ଶ୍ରୁତି ଆଗାମୀ ଡିଜିଟାଲ୍ ଫିଲ୍ମ 'ୟାରା'ରେ ନଜର ଆସିବେ । ଏକ ସିନ୍ ପାଇଁ ତାଙ୍କୁ ଏକ ଟ୍ରକ୍ ଚଳାଇବାକୁ ପଡିଥିଲା ।
ସେହି ଘଟଣାକୁ ମନେପକାଇ ଶ୍ରୁତି କହିଛନ୍ତି, ଫିଲ୍ମର ଏକ ସୀନ୍ ପାଇଁ ମତେ ଟ୍ରକ ଚଳାଇବାକୁ ପଡିଥିଲା । ସୁଟିଂ ସମୟରେ ଷ୍ଟଣ୍ଟ ଟିମ ମତେ ବହୁତ ସାହାଯ୍ୟ କରିଥିଲେ ଏବଂ ସେମାନଙ୍କ ମଧ୍ୟରୁ ଜଣେ କ୍ଲଚ୍ ଏବଂ ଗିଅର୍ ବଦଳାଇବା ପାଇଁ ମୋ ପଛରେ ବସିଥିଲେ । ମୁଁ ତାଙ୍କୁ ପ୍ରକୃତରେ ଧନ୍ୟବାଦ ଜଣାଉଛି । କାରଣ ଏହା ଆଦୌ ସହଜ କାମ ନୁହେଁ । ଉତ୍ତରାଖଣ୍ଡର ପାର୍ବତ୍ୟ ରାସ୍ତାରେ ଟ୍ରକ୍ ଚଳାଇବା ବହୁତ କଷ୍ଟକର ସହିତ ମଜାଦାର ମଧ୍ୟ ଥିଲା ।