ନୂଆଦିଲ୍ଲୀ: ନୂଆ ଆଶା ସମ୍ଭାବନା ନେଇ ଉଇଁ ସାରିଥିଲା ସକାଳର ସୂରୁଜ ହେଲେ ଅଚାନକ ସତେ ଯେମିତି ସବୁ ଅଟକି ଗଲା । ସ୍ତବ୍ଧ ହୋଇଗଲା ସାରା ଦେଶ । କାରଣ ଦେଶ ହରାଇଥିଲା ତାର ରତ୍ନ । ଧରାପୃଷ୍ଠର ସରସ୍ବତୀଙ୍କ ସ୍ବର ସବୁଦିନ ପାଇଁ ଅଟକି ଗଲା । ନୀରବି ଯାଇଛନ୍ତି ସ୍ବର ସମ୍ରାଜ୍ଞୀ କୋକିଳ କଣ୍ଠୀ ସମସ୍ତଙ୍କ ପ୍ରିୟ ଗାୟିକା ଲତା ମଙ୍ଗେସକର । ତାଙ୍କ ବିୟୋଗରେ ଯେମିତି ଶ୍ରୀହୀନ ହୋଇଛି ସଙ୍ଗୀତ ଜଗତ । ତାଙ୍କ ଗୀତର କିଏ ବି ଦିୱାନା ନଥିଲା । କୁହାଯାଏ କାଶ୍ମୀର ଠାରୁ ବି ମହଙ୍ଗା ଥିଲେ ଦିଦି । ତାଙ୍କ ଲୋକପ୍ରିୟତା ଏତେ ମାତ୍ରାରେ ଥିଲା ଯେ ଦିଦିଙ୍କ ପାଇଁ କାଶ୍ମୀର ଦେବାକୁ ବି ରାଜି ଥିଲେ ପାକିସ୍ତାନୀ ଗାୟକ ।
ଭାରତ ଓ ପାକିସ୍ତାନର ଖଟାମିଠା ସମ୍ପର୍କ ବିଷୟରେ କାହାକୁ ବା ଅଛପା । ଏହି ଦୁଇ ଦେଶ ଭିତରେ ଏକ ଡୋର ଭଳି ଥିଲେ ସୁର ସାମ୍ରାଜ୍ଞୀ ଲତା ମଙ୍ଗେସକର । ଯିଏକି ଦୁଇ ଦେଶର ଲୋକଙ୍କୁ ବାନ୍ଧି ପାରିଥିଲେ । ହିନ୍ଦୁସ୍ତାନ-ପାକିସ୍ତାନର ବିଭାଜନ କେବଳ ଗୋଟିଏ ଦେଶକୁ ଦୁଇ ଭାଗରେ ବିଭକ୍ତ କରିନଥିଲା ବରଂ ସଙ୍ଗୀତ ପ୍ରେମୀଙ୍କ ପ୍ରିୟ ଗାୟିକା ଲତା ଦିଦିଙ୍କ ଠାରୁ ମଧ୍ୟ ଦୂରେଇ ଯାଇଥିଲେ । ଦୂରରେ ଥାଇ ବି ପାକିସ୍ତାନର ସଙ୍ଗୀତ ପ୍ରେମୀ କେବେ ଲତାଙ୍କ ଠାରୁ ଅଲଗା ହୋଇପାରିଲେ ନାହିଁ । ସେ ସବୁବେଳେ ଚାହୁଁଥିଲେ କେମିତି ବି ହେଉ ଲତା ଦିଦି ତାଙ୍କ ପାଖକୁ ଚାଲି ଆସନ୍ତୁ । ଆଉ ଏଥିପାଇଁ ସେ କଶ୍ମୀର ଦେବା ପର୍ଯ୍ୟନ୍ତ ମଧ୍ୟ ରାଜି ଥିଲେ ।
ଏହାମଧ୍ୟ ପଢନ୍ତୁ:କୋକିଳକଣ୍ଠୀଙ୍କ କଣ୍ଠରୋଧ: କାହିଁକି କରିନଥିଲେ ବିବାହ ? କଣ ଥିଲା ବିବାଦ ଜାଣନ୍ତୁ